هنا

[د.صابرين الطائي]

علميمر وعلميمر وعلميمر....مكدر على فراكك حبيبي مكدر
.................................................. .......................
حبيتك وحبك سكن دلالي
وبعيوني رسمك وانطبع يالغالي
هايم بشوكك وحك ربي العالي
ومكدر على فركاك صدّكَ مكدر
...
مكدر على فركاك تعمه عيوني
وحتى لو كل البشر لاموني
ولا اريد تخيب بيك ظنوني
شلون رايدني بغيابك اصبر
..
وشلون رايدني بغيابك مانوح
تدري باللوعه شلون تمرد هالروح
يوليفي كثرنلي بغيابك الجروح
وكلبي على غيابك ضعف واتفطّر
..
كلبي يغيابك ماعرف كل راحه
مجروح ماتدري شيطيب اجراحه
ليله بسهر يكظي وتزيد نياحه
ماعنده غيرك لامحب لامعشر
..
ماعندي غيرك لامحب لا والي
وهمومي كثرن والصبر يبرالي
شكواي ظلت الى ربي العالي
هوة الذي يحلهه ولحالي ينغر
..
بس ربي ينظر عجرالي والصار
وكَليبي مشتعله بغيابك بي نار
ارجع حبيبي كافي لتضل محتار
ذاك انه الاول باقي الك اتنطر
..
ذاك انه باقي وفلا يوم اتبدل
والدهر مال وياي ما يتعدل
تيهت دربي بغيبتك ما اندل
شوفي وعيوني على دربك منطر
..
شوفي وعيوني على دربك تربي
يهواي بغيابك متيه دربي
ادعي يردك يوم اليه ربي
وتتكحل عيوني بنظرتك يسمر
عالميمر وعالميمر وعالميمر
........................................الشمر ي

[احمدالبغدادي]

[د.صابرين الطائي]

منــــــــــــــــورين شـــكرا اكيد هذا من حسن ذوووووقكم

[هدوء الكون]

جميل تسلم اناملك

[ناصر اسماعيل الموزاني]

جميل ه ورائعه القصيده.....لكم كل الورد

[الشاعر مصطفى الجبوري]

عاشت ايدك خوية