(مشاهد)
سجن واشباح والجدران
تشهكني واضل امجلب
بروحي..والخرايط كلهه
خرسة وماقرت لجدامي باب..
شما أفرع خطوة يرجع يجمد
مختنك والسنطة توجع
والتتن كلما أفهمه ايخردل انفاسي
اعله ريتي...الحياطين انكتل بيها النهار..والضوه اتبده على
وجوه الشبابيج الزغار
واندفن بالوحشه باب
اسبق الليل ويجرني
ويعكد ارداني على جفوف السواد
واصرخ بصوت اعله حضنج
يمه باب...يمه باب...
وارجع بخوفي اضيع
كلهه ردت للضوه
وكلهه تتلاكه سوه
وانا رديت انعكد عالحايط بلايه نهار
جي رجعت بلايه باب.
الصديق الرائع والمبدع
علي عدنان خليل/ميسان
تحياتي لشخصك الكريم اخي الغالي
رؤؤؤؤؤؤؤؤؤعه ما نثرت
يا حبيبي علي شكرا للقراءة صديقي
أهلا بكم أنرتوا
علي عدنان يكتب بشكل رائع وجميل .. شكراً لك سامح على الانتقاء .. تحياتي له ولك .. تقييم مستحق
مرورك زادنا بهجة وسرور
وارجع بخوفي اضيع
كلهه ردت للضوه
وكلهه تتلاكه سوه
وانا رديت انعكد عالحايط بلايه نهار
جي رجعت بلايه باب.
كلمات رائعة العمق مبدع كاتبها وناقلها
شكرا جدا لك ولذوقك وللقراءة
رد مع اقتباس