ﺭﻫﻤﺘﻚ ﻋﻠﻲ ﺑﺲ ﻣﺎﺭﻫﻤﺖ ﻭﻳﺎﻱ
ﺍﻧﺘﻪ ﺍﻟﻤﺎ ﺭﺩﺕ ﺷﺘﺮﻳﺪ ﺍﺳﻮﻳﻠﻚ
,,,,,
ﻋﺎﺷﺮﺗﻚ ﻧﺠﻢ ﻣﻦ ﺟﺎﻥ ﻋﻤﺮﻙ ﻟﻴﻞ
ﺃﺫﻭﺏ ﻭﺃﺷﺘﻌﻞ ﺣﺘﻪ ﺍﺑﻘﻪ ﺃﺿﻮﻳﻠﻚ
,,,,,
ﻭﻣﻦ ﻃﻠﻌﺖ ﺷﻤﺲ ﺧﻂ ﺭﺟﻌﻪ ﻣﺎﺧﻠﻴﺖ
ﻣﺎ ﺟﺎﺯﻳﺘﻨﻲ ﻟﻤﻦ ﺧﻠﺺ ﻟﻴﻠﻚ
,,,,,
ﺑﺎﻧﻴﻠﻚ ﺟﻨﺖ ﺣﻀﺮﺓ ﻋﺸﻚ ﺑﺎﻟﺮﻭﺡ
ﻭﻣﺮﻗﺪ ﻟﻠﻤﺤﻨﻪ ﺑﺮﻭﺣﻲ ﺑﺎﻧﻴﻠﻚ
,,,,,
ﺭﺩﺕ ﻣﻨﻚ ﺍﻣﺮﺍﺩ ﻭﺧﺬﺕ ﻣﻨﻲ ﺍﻣﺮﺍﺩ
ﻭﻋﻠﻚ ﺑﺠﻔﻮﻓﻲ ﺷﺎﻳﻠﻬﻦ ﺯﻧﺎﺟﻴﻠﻚ
,,,,,
ﻭﺍﻧﺬﺭﻟﻚ ﺟﻨﺖ ﻭﺍﻓﺘﺮ ﻭﺍﺣﻨﻲ ﺍﻟﺒﺎﺏ
ﻫﺴﻪ ﺍﺗﻬﺪﻣﺖ ﻳﺎﺑﺎﺏ ﺍﺣﻨﻴﻠﻚ؟
,,,,,
ﺍﻣﺎﻧﻪ ﺍﺳﺮﺍﺭ ﻋﻤﺮﻱ ﻭﺑﻴﻬﺎ ﻣﺎ ﺍﻭﺻﻴﻚ
ﻳﻢ ﺷﺒﺎﺝ ﺫﻧﺒﻚ ﺻﺎﺣﻦ ﺍﺩﺧﻴﻠﻚ
,,,,,
ﻭﺑﻜﻴﻔﻚ ﺑﻌﺪ ﺻﻮﻥ ﺍﻻﻣﺎﻧﻪ ﺍﺗﺨﻮﻥ
ﻣﺎ ﺃﻛﺪﺭ ﺑﻌﺪ ﺃﻏﻔﺮ ﻭﺍﻋﺪﻳﻠﻚ
,,,,,
ﻣﺎﺑﻴﻨﻚ ﻭﺑﻴﻨﻚ ﻋﺸﺖ ﻫﺎﻱ ﻭﻫﺎﻱ
ﻣﺮﻩ ﺍﺑﺠﻲ ﺍﻋﻠﻪ ﻃﺒﻌﻚ ﻣﺮﻩ ﺍﻏﻨﻴﻠﻚ
,,,,,
ﺑﺪﻻﻟﻚ ﺟﻦ ﻃﻔﻞ ﺑﺎﻟﺠﺮﺡ ﻣﺎﻝ ﺍﻛﺒﺎﺭ
ﺍﺷﺪ ﺍﻟﺠﺮﺡ ﺑﻴﺪ ﻭﺑﻴﺪ ﺍﻟﻮﻟﻴﻠﻚ
,,,,,
ﻻﺗﻨﺼﻒ ﻋﺪﻝ ﻻﺗﺮﺿﻪ ﺑﺎﻟﻤﻘﺴﻮﻡ
ﺗﺎﺧﺬ ﺣﺼﺘﻚ ﻭﻣﻦ ﺣﺼﺘﻲ ﺍﺧﻠﻴﻠﻚ
,,,,,
ﺍﻧﺘﻪ ﺍﻟﻮﺯﻋﺖ ﻭﺍﻟﻔﺮﺡ ﺳﻬﻤﻚ ﺻﺎﺭ
ﻣﻦ ﺳﻬﻢ ﺍﻟﺤﺰﻥ ﻳﺎﻓﺮﺣﻪ ﺍﻭﺩﻳﻠﻚ؟
,,,,,
ﺟﺒﺘﻬﺎ ﻭﻳﺎﻙ ﺷﻌﺮﻩ ﻭﻋﺎﻗﻞ ﻭﻣﺠﻨﻮﻥ
ﻛﻠﺴﺎﻋﻪ ﻭﺗﺠﺮﻫﺎ ﻭﺍﻧﻪ ﺍﺭﺧﻴﻠﻚ
,,,,,
ﺷﻠﻲ ﺑﻬﻠﺘﻌﺐ ﻭﺍﻟﻌﻤﺮ ﻭﺷﻠﺔ ﻛﺎﺱ
ﻣﻦ ﻛﺎﺱ ﺍﻟﻌﻤﺮ ﺟﻢ ﺩﻭﺏ ﺍﺑﺪﻳﻠﻚ
,,,,,
ﺭﺍﺡ ﺍﺻﺒﺮ ﺑﺪﻭﻧﻚ .. ﻭﺍﺭﻫﻢ ﺑﻠﻴﺎﻙ
ﻭﺃﺫﺑﺢ ﺭﻣﺶ ﻋﻴﻨﻲ ﺍﻟﺠﺎﻥ ﻳﺒﺠﻴﻠﻚ
,,,,,
ﻭﺍﺗﺤﻤﻞ ﻋﺬﺍﺑﻚ, ﻭﺍﻟﺒﻌﺪ, ﻭﺍﻟﺸﻮﻙ
ﻭﻣﺎ ﺣﻂ ﺻﻮﺭﺗﻚ ﻛﺪﺍﻣﻲ ﻭﺍﺷﻜﻴﻠﻚ
,,,,,
ﻣﺎ ﺍﻛﻠﻚ ﻧﺴﻴﺘﻚ ﺑﺲ ﺟﺮﺡ ﺑﺎﻟﺮﻭﺡ
ﻳﻜﺴﺮ ﻭﺍﻫﺴﻲ ﻭﻣﺎﻳﻘﺒﻞ ﺍﻣﺸﻴﻠﻚ
,,,,,
ﻋﻴﻨﻲ ﺍﻟﺸﺎﻟﺘﻚ ﻛﻠﺘﻠﻬﺎ ﺍﺷﻴﻠﺞ ﺭﺍﺡ
ﻛﺎﻟﺖ ﺷﻴﻠﻨﻲ ﻭﻣﺎ ﻗﺒﻠﺖ ﺗﺸﻴﻠﻚ
,,,,,
ﻭﺟﺮﺣﻲ ﺍﻟﻔﺎﻙ ﺻﺪﺭﻩ ﻭﻣﺎ ﻳﺮﻳﺪ ﺍﺧﻴﺎﻁ
ﻭﺍﻛﻒ ﺟﻨﻪ ﻭﺍﺣﺪ ﺟﺎﻱ ﻳﺪﻋﻴﻠﻚ
,,,,,
ﺑﺲ ﻣﺠﺒﻮﺭ ﺍﺩﻓﻨﻚ ﻳﺎﻋﺸﻚ ﻳﺎﺷﻮﻙ
ﻭﺍﻗﺮﻩ ﺍﻟﻔﺎﺗﺤﻪ ﻭﺑﺎﻟﻮﺣﺸﻪ ﺍﺻﻠﻴﻠﻚ
,,,,,
ﺑﻌﻴﻮﻧﻲ ﺍﻟﺤﺰﻥ ﻳﻘﺮﻭﻧﻪ ﺍﻟﻴﻮﺍﺳﻮﻥ
ﻭﺍﻟﻔﻮﻙ ﺍﻟﺤﺰﻥ ﻟﻮﺗﺪﺭﻱ ﺷﺎﺣﺠﻴﻠﻚ
,,,,,
ﺷﻤﺎﺕ ﺍﻻﺟﻮ ﻭﺍﺳﻮﻧﻲ ﺛﺎﻟﺚ ﻳﻮﻡ
ﺣﻴﻞ ﻭﻳﺎﻙ ﻛﺎﻟﻮ ﻣﺪﺭﻱ ﺷﺪ ﺣﻴﻠﻚ
,,,,,
ﻭﻛﺎﻟﻮ ﻣﻮ ﺣﻠﻮ ﺍﻟﺜﻮﺏ ﺍﻟﻄﻮﻳﻞ ﺍﻋﻠﻴﻚ
ﻭﺍﻟﻴﻜﺼﺮ ﺑﻌﺪ ﻟﺘﻀﻦ ﻳﻜﻔﻴﻠﻚ
رد مع اقتباس
المشاركة الأصلية كتبت بواسطة إليا
