شخابيطي بالليل
كلتلك كلمه طلعت من حناياي
كلمه بمعنى بس العاشك يعرفه
..
لان تدري هويتك مثل الاوراق
بيد الكاتب المبدع وصف ظرفه
...
هويتك لجن باقي اتنطر وصال
ورسمك غطى كل الوانه الغرفه
...
لاموبس اتخايل انته يمي هنا
انا اتخيل تجي وتروح بالصدفه
....
واكولن ها اجه هاراح لاباس
خله يكضّي شغله ويرجع بلهفه
....
كلت ميخالف اني انتظر ليـــل
وفجر ملكاه يحيي رويحتي الترفه
...
كلي ليا وكت انتظرك شلون
حددلي وقت مو غيبتك كلفه
...
يا نسمة ربيع تهب على الروح
تعال اسموم صبري وبيه يتشفه
...
عواصف همي وتهز كوخ العيون
وبراكين الدمع من عيني تذرفه
...
اتوسل البال يعوف الظنــــون
واريد العقل يفرغ ابد ما يصفه
...
شوشت العقل من كطعك وياي
وحنيني يزود باللحظه الف كفه
...
بحر دمعي وجره سيل البراكين
نار موجر من الكلب ماتطفه
...
جربت الهجر وياي ؟؟ميصير
مرض هجرك ابد ماله كل وصفه
....
الشمري
رد مع اقتباس
