مبارك : هلو زين
زين :هلو باراك
مبارك : ياباراك اني مبارك
زين : اها اها اعذرني سمعت هلو اتصورت الامريكان محتاجين شي
مبارك : شسوي هل الايام شويه اتصالاتي مكثفه مع الامريكان
زين : ياله ماكو فرق بين باراك ومبارك
مبارك :شنو قصدك
زين : قابل انت تكدر تقرر بدون اخذ موافقة الامريكان يمعود حتى خطاباتك
مبارك : ليش على اساس انت كنت تكدر تحجي بدون اذن الفرنسين
زين : شنو جاي تشمت بيه ياله ياله مع السلامه
مبارك : ارجوك افهمي مو قصدي صدكني
زين : احجي بسرعه وبختصار شنعدك مالي خلك اسمع حجي وخاصتا من حكام العرب
مبارك : عندي كم سؤال لأن اني قريبا ساكون بجانبك
زين : ها خوش تسد عليه الوحشه
مبارك : اكدر اعرف شنو شعورك هسه
زين : اتريد الصدك هل الايام هواي احسن حسيت اني انسان
مبارك : لعد شكنت قبل ؟
زين : تصورت نفسي اله .. اليوم يله عرفت الحقيقه بس للاسف انسان تنقصه الانسانيه
مبارك : يعني ؟
زين : الناس طردوني يعني مراضين عني ولا حتى الرب
مبارك : احجيلي عن امورك هسه واحوالك
زين : شحجلك المال والجاه راح بقة بس رحمة الله المتنقطع هسه اني ضيف بعد ماكنت احكم بيد واجمع المال بالايد الثانيه وما أتصور انت تختلف عني
مبارك : قابل اني غبي كل منا بنفس الحال .... والكرسي ؟
زين : مو مثل سابقه مامرصع باياقوت والماس والذهب ، هذا كرسي بس للجلوس
مبارك : يعني هسه انت لا تأمر ولا تنهى ؟!!
زين : يعمود منو انت حتى تريد تأمر وتنهى
مبارك : صدك جذب 30 سنه واني أأمر وانهى .. حبيبي زين هم عندك حرس ؟
زين : اكو 2 بالباب بس اعتقد يراقبوني مو من اجل حراستي
مبارك : زين ميعاملوك بشخصيتك ؟
زين : هههههه منو اني حتى يعاملوني بشخصيتي جنت فخامة زين العابدين بن علي وهسه بنعلي .
مبارك : يعني المسميات راحت ياللمصيبه .
زين : يامسميات انته مصدك روحك هو احنه كنا نكذب على الناس كانت مسميات من غير وجه حق مثل مكال شكسبير
مبارك : صدق شكسبير وكذب بنعلي بس شسوي
زين : يمعود لتظل لازك بالكرسي
مبارك : انت شدتحجي شكد عندك سهله
زين : مو كافي 30 سنه
مبارك : وانت كفتك 23 سنه لو ما شلعوك
زين : عوف الراح وانسه الماضي وانا بستناك .
مبارك : خوش اني جايك بس شويه خل اماطل .
زين : الحمد لله يعني السنه انحج سويه .
مبارك : ان شاء الله
زين : عفيه السبع
المشاركة الأصلية كتبت بواسطة مازن
