الحقد ينقظ وضوء
والتبات بحظنه غيبه يغتسل بقرب نهر للشوك دافي
على الاحوط مرت بجرفه حبيبه
ولو سمعهه واني مرجع يشطف اذنه بنص نهار بصوت
تغريد البلابل
ريحت البارود محظوره بتاتن
واليلامس سيف يكفله يتيم
اليمس خد الورد كفارته يزرع حديقه
الدعاء بلا شعر للناس للحب للامل مامستجاب
ولو اجه وكت القصيده مايصح تكتب قضاء
مايطب للجنه من يرعب فراشه
واثم اليصنع وساده عمد من ريش الحمام
الشهور الحرم عشره الباقي عيد
النخله ام
الشجره ام
شجره التفاح ام
نومت العاشك عباده شرط ماناسيله موعد
التيمم جائز بكحله عراقيه اصيله
والحظن تنور ام يعتبر طالب لجوء
خشبه المسرح سما ينقبل بيهه اللجوء
اليطوف الناس بحرام المحبه
حجته مقبوله ولا يحتاج للكعبه وصول
كول عني شما تكول!
اليصلي وقبلته رموش الفقير
ومااجه اباله شحجه شكال الامير
شلون مارايد يكبر خل يكبر
انه اضمنله شفاعه من الرسول
العشك اقرب طريق الباب حنيت الاله
والكلوب ليلو من باب العرش!!!
الى اخر القصيده ولكن هذه بعض من ابياتها الرائعه
لكم تحياتي
رد مع اقتباس
