هنا

[ابو منية]

ﻭﻛﺘﺒﺖ ﻓﻴﻚ ﺃﺣﻠﻰ ﺍﻟﻜﻼﻡ
ﺃﺟﻤﻞ ﺭﻭﺍﺋﻊ ﺍﻷﻏﻨﻴﺎﺕ ﺑﻬﺪﻳﻬﺎ ﻟﻴﻚ
ﺃﺟﻤﻞ ﻛﻼﻡ ﻓﻲ ﺍﻟﺤﺐ ﻛﺘﺒﺘﻮﺍ ﻋﺸﺎﻥ
ﻋﻴﻨﻴﻚ
ﻭﺑﻘﻮﻟﻮﺍ ﻟﻴﻚ ﺇﻣﻜﻦ ﺃﻭﺻﻞ ﺷﻮﻗﻲ ﻟﻴﻚ
ﻟﻜﻦ ﻣﺤﺎﻝ ﺍﻟﻘﻰ ﺍﻟﻜﻼﻡ ﺍﻟﺒﻮﺻﻔﻚ
ﻭ ﻳﺘﻘﺎﻝ ﻋﻠﻴﻚ
ﻭﺩﺧﻠﺖ ﻛﻞ ﺍﻟﻤﻜﺘﺒﺎﺕ ﻓﺘﺸﺖ
ﻓﻲ ﻛﻞ ﺍﻟﺮﻓﻮﻑ ﻛﺘﺎﺏ ﻛﺘﺎﺏ
ﻣﺎ ﻟﻘﻴﺖ ﻛﻼﻡ ﻓﻲ ﺍﻟﺤﺐ
ﻳﻮﺍﺯﻱ ﻣﺸﺎﻋﺮﻱ ﻟﻴﻚ
ﻭﺭﺟﻌﺖ ﻟﻲ ﻛﻞ ﺍﻟﻘﺼﺺ
ﻟﻲ ﻋﻨﺘﺮﻩ ﻣﺠﻨﻮﻥ ﺑﺜﻴﻨﻪ
ﻭﻟﻴﻠﻪ ﺩﻳﻚ ﻣﺎ ﻟﻘﻴﺖ ﻣﺜﻴﻞ
ﻳﺸﺒﻪ ﺣﻜﺎﻳﺔ ﺣﺒﻲ ﻟﻴﻚ
ﻓﺘﺸﺖ ﻓﻲ ﻛﻞ ﺍﻟﻤﻌﺎﺟﻢ ﻋﻦ ﻛﻼﻡ
ﻳﺘﻘﺎﻝ ﻋﻠﻴﻚ ﻋﻦ ﻛﻠﻤﺔ ﻭﺍﺣﺪﻩ ﺍﻗﻮﻟﻬﺎ ﻓﻴﻚ
ﺷﻔﺖ ﺍﻟﺼﺤﺎﺡ ﻗﺎﻣﻮﺱ ﻣﺤﻴﻂ ﻣﻌﺠﻢ
ﻭﺳﻴﻂ
ﻣﺎﻟﻘﻴﺖ ﺣﺮﻑ ﻻ ﻋﺠﻤﻲ ﻻ ﻋﺮﺑﻲ
ﻭﻓﺼﻴﺢ ﻳﺘﻘﺎﻝ ﻋﻠﻴﻚ
ﻭﻣﻦ ﻏﻴﺮ ﻣﺎ ﺃﺣﺲ ﻧﺰﻟﺖ ﺩﻣﻮﻉ
ﻭﺷﻌﺮﺕ ﺑﻲ ﺃﺳﻔﺎً ﺷﺪﻳﺪ ﺑﻲ ﻫﻢ
ﻳﺪﺍﻫﻢ ﻓﻲ ﺍﻟﻘﻠﻴﺐ ﺍﻟﻤﺸﺘﻬﻴﻚ
ﻓﺠﺄﺓ !
ﻓﺠﺄﺓ ﺍﻟﺼﺤﺎﺡ ﻗﺎﻝ ﻟﻲ ﺧﻼﺹ
ﻣﺎ ﺗﺰﻋﻠﻲ ﺃﻧﺎ ﻣﺒﺘﻜﺮ ﺃﻧﺎ ﺑﻮﻋﺪﻙ ﺃﻟﻘﻰ
ﺍﻟﻜﻼﻡ ﺍﻟﺒﻮﺻﻮﺍ ﻗﻮﻟﻲ ﺍﻻﺳﻢ؟
ﻗﻠﺖ ﺍﻻﺳﻢ !!!!!!!!!!!!!!!!!!!!!!!!!!!
ﻗﺎﻝ ﻟﻲ ﺑﻲ ﺣﺰﻧﺎ ﻋﻤﻴﻖ ﺃﺳﻒ ﺷﺪﻳﺪ
ﻣﺎ ﺃﻇﻦ ﺗﻼﻗﻲ ﺣﺮﻑ ﻳﻮﺻﻔﻮﺍ ﻳﻨﺼﻔﻮﺍ
ﺃﻭ ﺣﺘﻰ ﻳﺮﺗﻘﻲ ﻟﻲ ﻣﻜﺎﻧﺘﻮ ﻭ ﺭﻋﺘﻮﺍ
ﻭﻗﻔﻠﺖ ﺻﻔﺤﺎﺕ ﺍﻟﺼﺤﺎﺡ ﻭﺷﻜﺮﺗﻮﺍ ﻣﻦ
ﺃﻋﻤﺎﻕ
ﻗﻠﻴﺒﻲ ﺍﻟﻤﻨﻜﺴﺮ
ﻭﻓﺘﺤﺖ ﺻﻔﺤﺎﺕ ﺍﻟﻮﺳﻴﻂ
ﺿﺤﻚ ﺍﻟﻮﺳﻴﻂ ﻗﻬﻘﻪ ﻛﺜﻴﺮ ﺳﻜﺖ ﻭ
ﺇﺑﺘﺴﻢ
ﻗﺎﻝ ﻟﻲ ﻣﺤﺎﻝ ﺗﻠﻘﻲ ﺍﻟﻜﻼﻡ ﺍﻟﻮﺻﻒ ﻓﻴﺎ ﺃﻧﺎ
ﺳﻴﺪ ﺍﻹﺳﻢ ﺩﺍ ﻣﻜﺎﻧﺘﻮﺍ ﻓﻮﻕ ﺑﻴﻦ ﺍﻟﻨﺠﻮﻡ
ﺃﻭ ﺣﺘﻰ ﺃﻋﻠﻲ ﻣﻦ ﺍﻟﻘﻤﺮ
ﺩﺍ ﻣﻼﻙ ﻋﺪﻳﻞ ﻭﺍﻟﻤﺴﺘﺤﻴﻞ ﺇﻧﻚ ﺗﻼﻗﻲ
ﺑﺸﺮ ﻳﻮﺻﻒ ﺭﻭﻋﺘﻮﺍ
ﻟﻮ ﻛﻨﺖ ﺻﺎﺣﺐ ﻣﻌﺠﺰﺍﺕ ﻛﺎﻥ ﺍﺣﺘﻤﺎﻝ
ﺍﻗﺪﺭ ﺃﻭﺻﻒ ﺭﻭﻋﺘﻮﺍ
ﻟﻜﻦ ﺧﻼﺹ ﻭﻟﻰ ﺍﻟﺰﻣﺎﻥ ﺃﻭ ﻋﺪﻯ ﻓﺎﺕ
ﻳﺎ ﺑﺖ ﺧﻼﺹ ﺇﺗﻜﻠﻤﻲ ﺑﻮﺣﻲ ﺑﻤﺸﺎﻋﺮﻙ
ﻗﻮﻟﻲ ﻟﻴﻮ ﺇﻣﻜﻦ ﻳﻘﺪﺭ ﻭﻳﻔﻬﻤﻚ
ﺃﻧﺎ ﻗﻠﺖ ﻟﻴﻪ ﺣﺘﻰ ﺍﻟﺴﻼﻡ ﺑﻴﻨﺎﺗﻨﺎ ﻣﺎﻑ
ﻫﻞ ﺗﻔﺘﻜﺮ ﺇﻧﻮ ﺍﻟﻤﺸﺎﻋﺮ ﺗﻨﺘﺼﺮ ؟
ﺳﻜﺖ ﺍﻟﻮﺳﻴﻂ ﻟﻜﻨﻲ ﺣﺴﻴﺖ ﺑﻲ
ﺩﻋﺎﻭ ﻳﺎ ﺭﻳﺖ ﻳﻜﻮﻥ ﻣﻬﺘﻤﻲ ﺑﻴﻚ
ﺃﻭ ﺣﺘﻰ ﻓﻲ ﻳﻮﻡ ﻳﺤﺲ ﺑﻴﻚ
ﻭﺑﺎﺑﺘﺴﺎﻣﺔ ﺣﺰﻳﻨﺔ ﻣﻦ ﺷﻔﺘﻲ ﺃﻧﺎ
ﺷﻜﺮﺍ ﺇﻟﻴﻚ ﻟﻜﻨﻲ ﻣﺎ ﺡ ﺃﻗﻴﻒ ﻫﻨﺎ ﺡ ﺍﻣﺸﻲ
ﻭﺍﻓﺘﺶ ﻋﻦ ﻛﻼﻣﺎً ﻳﻮﺻﻔﻮﺍ ﺃﻭ ﺣﺘﻰ ﺇﻣﻜﻦ
ﺃﺳﺎﻟﻮﺍ ﺃﻧﺖ ﺍﻟﻤﻼﻙ ﻭﺭﻳﻨﻲ ﻛﻴﻒ ﺃﻧﺎ ﺍﻭﺻﻔﻚ
ﻭﻣﺎ ﺃﺟﻮﺭ ﻋﻠﻴﻚ
ﻗﻮﻟﻲ ﻛﻴﻒ ﺃﻭﺻﻒ ﺟﻤﺎﻟﻚ ﻭﺭﻭﻋﺘﻚ
ﻭﺳﺤﺮ ﻋﻨﻴﻚ
ﻗﻮﻝ ﻟﻲ ﻛﻴﻒ ﺍﻗﺪﺭ ﺃﻭﺻﻞ ﺷﻮﻗﻲ ﻟﻴﻚ
ﻗﻮ ﻟﻲ ﻛﻴﻒ ؟؟

[ايليا]

شكرآآآآآآآآآ للانامل الذهبية و لقلمك وما كتبت

[خواطر~]

ﻗﻮﻟﻲ ﻛﻴﻒ ﺃﻭﺻﻒ ﺟﻤﺎﻟﻚ ﻭﺭﻭﻋﺘﻚ
ﻭﺳﺤﺮ ﻋﻨﻴﻚ
ﻗﻮﻝ ﻟﻲ ﻛﻴﻒ ﺍﻗﺪﺭ ﺃﻭﺻﻞ ﺷﻮﻗﻲ ﻟﻴﻚ
ﻗﻮ ﻟﻲ ﻛﻴﻒ ؟؟

اديب الهمس (ابو منية)
حوار رائع ومشوق
تترنم حروفك إيها الماكث
شوقاً وحنيناً لإبتسامة
تبهج القلب وتسر الخاطر
لعل من تحاورها
تدرك آجلاً وعاجلاً تلك الحقيقة
المخبئة بين جدران الروح
لك فائق احترامي وتقييمي المتواضع

[اسرار بلا عنوان]

شكرا فاضلي ابو منية
ينقل لقسم الخواطر والنثر
لتواجدها في مواقع اخرى
ود كبير وتقديري