ابشر يا وطن عندك عراقيات
يعني انت الفقط مستحوذ الثروة
محلاهن بناتك كلهن ابداعات
جمعنه الجمال وكلمة الحلوة
وحدتهن عسل وتعالج الاهات
وكلمتهن شعر واتفرح اليهوه
من يمشن ادب .... مو تربية بارات
تعزفلك لحن من تطبع الخطوة
ونظرتهن سحر.... حسبالي مو نظرات
يااااااا رقة طفل جي للنظر توة
وضحكتهن عطر من ريحة الجنات
تدخل للكلب واتزيد النشوة
عشرتهن ذهب وكلوبهن طيبات
وابيض من ثلج تلكاهه من جوة
طيبتهن طبع واخلاصهن جينات
مزروعة بدماهن جينة النخوة
شكد شافن حرب واتحملن صعبات
صبرن والصعب شو كلشي ماسوة
بوكت البي حرب نيران رشاشات
وبوكت العشك كعداتهن حلوة
بكل موقف يمر تلكالهن طلعات
ماعدهن غدر ويقدرن الخوة
هن امي وخواتي وعمتي والخالات
والزوجة الحبيبة وروحي والسلوى
يابنت العراق بنص كلبنه تبات
وكل باقي البنات تروحلج فدوة
لو انت الولف لو مانحب هيهات
بس انت العزيزة بكل نسل حوة
من حبكم ربح واللي كرهكم مات
دنيا بلا هواجن كلشي ماتسوه
من عجبه الشعر خل يضغط اعجابات
والعندة اعتراض يكتبة ليجوة
رد مع اقتباس
