بسم الله الرحمن الرحيم
السلام عليكم عندي سؤال اذا امكن : اذا كان هناك منتدى مجاني وتريد نشره على الانترنيت بدون انتظار فما هي الطريقة ؟؟
واذا كنت تريد انشاء منتدى جديد وتريد مباشرة وضعه على الانترنيت ومحركات البحث فما هي الطريقة ؟؟
وماهي قيمة الاشتراكات السنوية التي يمكن ان يدفعها صاحب المنتدى للشركات المسؤلة عن النشر ؟؟
ملا حظة:: ارجو الجواب بالتفصيل الممل جدا جدا جدا جدا جدا
وجزيل الشكر مقدما لكل من يجيب
السلام عليكم
في البداية تأكد إنك لا تحتاج أن تدفع فلسا واحدا لغرض نشر موقعك .. إلا إذا أردت اتباع طريق الاعلانات .. أما إذا كنت تفضل نشر المنتدى عن طريق محركات البحث في مثل Google و Yahoo .. فإليك الطرق
الطريقة الأولى:
النشر عبراضافة الموقع إلى Google و Yahoo و Bing.. تروح لهذا الرابط بكوكل
http://www.google.com/addurl/?continue=/addurl
و تضيف بحقل الـ URL الرابط الرئيسي مال الموقع .. و تضيف بحقل الـ comment الوصف مالتك للموقع.. و تكتب صورة التحقق .. و راح ينضاف بفترة يومين او ثلاثة
و تروح لهذا الرابط بموقع بنغ
http://www.bing.com/webmaster/SubmitSitePage.aspx
و ايضا تضيف الرابط مال الموقع الجديد (وية صورة التحقق البشري)
و تروح لهذا الرابط بـ ياهو .. و تضيف رابط الموقع
http://siteexplorer.search.yahoo.com/submit
خللي ببالك .. انه تضيف فقط الرابط الرئيسي .. اللي يحتوي على الصفحة الرئيسية لموقعك .. و اللي منها راح تتفرع الروابط لباقي صفحات موقعك .. و هذه عملية تحتاج تسويها مرة واحدة بتاريخ الموقع (مجرد ما تنضاف الصفحة الرئيسية بمحركات البحث ..بعدها هي محركات البحث ترجعلها بصورة الية)
الطريقة الثانية:
إذا عندك منتدى أو اي موقع (موجود بكوكل اصلا) .. تكدر تضيف الرابط مال الموقع بحيث يصير قابل للضغط عليه بالفوتر مال المنتدى أو الموقع .. مثل الروابط اللي احنه خالليها جوة بالفوتر مال منتدانا .. و هذه جدا سريعة عادة
الطريقة الثالثة:
إذا انته تشارك باي منتدى .. .. تكدر تخللي الرابط مال الكروب بالتوقيع مالتك ايضا على شكل ارتباط تشعبي (يعني كلمة بيها رابط) قابل للضغط عليه ..
إذا المنتدى ما يسمح بهيجي شي .. او مانع الروابط اللي بالتواقيع عن الزوار .. تحاول تضيف الرابط بحقل (الصفحة الشخصية) بصفحة تعديل البيانات بالمنتدى .. و تتأكد أنه من تدخل زائر لذاك المنتدى .. تكدر تضغط على رابط الصفحة الشخصية للعضو داخل المواضيع .و تنتقل للموقع مالتك
الطريقة الثانية و الثالثة .. تعتمد أنه كوكل يسحب الصفحات و المشاركات بالمنتديات بشكل دوري .. و يشوف الرابط مالتك .. و يضيفه للبحث مالته
الطريقة الرابعة:
تستخدم ادلة المواقع العربية و الانكليزية .. مثل دليل العرب الشامل للمواقع العربية .. و دليل المواقع العراقية بموقع العراق .. و غيرها و غيرها .. موجودات كلش هواي .. بكل موقع تضيف رابط موقعك و اسمه .. و كل المعلومات اللي يريدها منك .. و تضغط على زر الاضافة و ينضاف بعد فترة عادة بذاك الدليل
طرق أخرى تجارية
طريق الاعلانات و يكون على ثلاثة انواع
1- الاعلانات بواسطة نظام Google adword .. و هذه تسوي حساب بكوكل اد وورد ... و تدفعلهم فلوس مقابل كل ضغطة على موقعك
2- الاعلانات بواسطة الاتفاق مع اصحاب المواقع و المنتديات مباشرة .. و هذه عادة تتم بمراسلة صاحب الموقع . علمود يخللي الاعلان مالتك بالهيدر مال الموقع مالته مقابل اشتراك شهري قيمته حسب نوع الموقع
3- التبادل الاعلاني .. و هو انه تتفق وية صاحب منتدى بحيث انته تخليله اعلان لمنتداه .. و هو يخللي اعلان لمنتداك .. و محد يدفع فلوس للاخ .. هذه إذا كان الموقعين بنفس المستوى من الشعبية
اكو بعد طرق اكيد.. بس عموما هذه الرئيسية
أرجو انه استفاديت من هذا الشرح .. و إذا عندك سؤال اسأل و تحياتي و موفق بخطواتك
شكرا جزيلا للاجابة الواضحة والمفصلة
وعندي سؤال بخصوص الفترة التي تقوم بها كوكل او غيرها من محركات البحث بعد اضافة الرابط لديها يعني موضوع اليومين او ثلاثة هل هي اكيدة ام قابل للزيادة؟؟؟
عند ي سؤال اخر كيف يظهر منتدى عن طريق بحث من خلال كلمة او عنوان موضوع
ولأكون اكثر تحديد سأذكر لك مثال عندما كتبت انا قبل فترة عنوان كتاب( ساعة قضيتها مع الارواح ) ظهر لي في البحث الموضوع على منتداكم الرائع بواسطة العضو علي اونكر في قسم ما وراء الطبيعة ((( وكان هو السبب وراء ان اكون عضو بينكم الان ولي الشرف طبعا )) وفي منتديات اخرى ولكن في هناك منتدى انا عضو فيه وعندما اقوم بالبحث في الكوكل عن طريق كتابة عناوين المواضيع الموجودة فيه لا تظهر في البحث فما هو السبب مع العلم ان ذللك المنتدى المذكور مو جود منذ اكثر 9 اشهر فما هو سبب تاخير نشره على الانترنيت اذا كان لديك معلومة اكون ممنون للاجابة
سؤالك هذا تسأله لكوكل نفسها .. لان كوكل محد يعرف شلون تشتغل إذا يعجبها الموقع تضيفه رئسا .. و إذا ما يعجبها تأخره شوية عموما إذا جان دومين رئيسي مو فرعي .. ينضاف بسرعة المفروض (يعني مثل رابط درر العراق)وعندي سؤال بخصوص الفترة التي تقوم بها كوكل او غيرها من محركات البحث بعد اضافة الرابط لديها يعني موضوع اليومين او ثلاثة هل هي اكيدة ام قابل للزيادة؟؟؟
لاحظ يل غالي .. إذا تشوف عدنا بالمتواجدون الان اكو شي اسمه (عناكب كوكل) هذه العناكب هي تدخل للمنتدى عن طريق الصفحة الرئيسية و تروح على روابط المنتدى المتفرعة من الصفحة الرئيسية و تتفرع منها إلى الروابط الأخرى .. و تضيف الصفحات اللي تشوفها لمحرك البحث .. بالضبط مثل ما انته اول شي تفتح الصفحة الرئيسية و بعدين تدخل لباقي المنتديات و منها للمواضيع و هكذاعند ي سؤال اخر كيف يظهر منتدى عن طريق بحث من خلال كلمة او عنوان موضوع
ولأكون اكثر تحديد سأذكر لك مثال عندما كتبت انا قبل فترة عنوان كتاب( ساعة قضيتها مع الارواح ) ظهر لي في البحث الموضوع على منتداكم الرائع بواسطة العضو علي اونكر في قسم ما وراء الطبيعة ((( وكان هو السبب وراء ان اكون عضو بينكم الان ولي الشرف طبعا )) وفي منتديات اخرى ولكن في هناك منتدى انا عضو فيه وعندما اقوم بالبحث في الكوكل عن طريق كتابة عناوين المواضيع الموجودة فيه لا تظهر في البحث فما هو السبب مع العلم ان ذللك المنتدى المذكور مو جود منذ اكثر 9 اشهر فما هو سبب تاخير نشره على الانترنيت اذا كان لديك معلومة اكون ممنون للاجابة
كل شكد كوكل تزور الصفحة الرئيسية ؟؟؟ ممكن كل ساعة .. او كل ساعتين .. او كل 12 ساعة .. او كل يومين .. و مرات كل ثانية (مثل حالة تويتر)
شكد راح تصير سرعة العناكب بالبحث و الاستقصاء .. محد يدري
كوكل راح تخللي النتائج اللي تحصلها من الموقع (مواضيع و مدونات و صفحات) بالمقدمة يعني اول نتيجة .. لو اخر نتيجة .. محد يدري
صحيح نكول محد يدري لان كوكل شغلها كلش معقد .. .. بس اكو قواعد تتبعها علمود تحسن كفاءة هذه العمليات ..يسموها بالانكليزي SEO ..اللي هي اختصار search engine optimization يعني الملائمة لمحركات البحث .. كوكل كلش ترتاح لهذه القواعد .. و المنتديات عادة تأمن بنفسها 60% من هذه القواعد .. يبقى إنته وشغلك تكدر تصعد هذه النسبة او لا .. هذا طبعا يتطلب قراءة و دراسة و معلومات .. بالحقيقة الـ SEO صار علم كامل حاليا.. بس اكو عليه كوومة مصادر بالانترنيت ... و اكو مواقع عربية متخصصة بتطوير المواقع مثل ترايدنت بيها اقسام للـ SEO
تحياتي
ممنوووووووووووووووووووووو ن وفيت وكفيت وشكرا جزيلاا
رد مع اقتباس