هنا

[ريتاج الطائي]

ممكن تقدّمي حلقات التفاح مع صوص الكراميل والآيس كريم

شرائح التفاح المقلية بالسكر
المقادير:
6 ثمرة تفاح مقشّر مقطع حلقات
½1 ملعقة صغيرة بيكينج بودر
1 ملعقة صغيرة ملح
½ كوب سكر
1 كوب دقيق
½ كوب لبن
بيضة
آيس كريم أو سكر بودرة (للتقديم)

الطريقة:
1- قشّري التفاح وبعد كده جوّفيه، وقطعيه حلقات.

2- هاتي طبق كبير واخلطي فيه الدقيق والسكر والملح والبيكنج بودر، وضيفي عليهم اللبن والبيضة، وقلبي الخليط كويس لحد ما يبقى عجينة سائلة إلى حد ما.

3- اغمسي حلقات التفاح في العجينة وغطّي التفاح بها كويس، وحمريها في زيت ساخن جدا لحد ما يبقى لونها دهبي.

4- طلعيها من الزيت وحطيها على ورق علشان يشرب الزيت الزيادة، وانقليها في طبق التقديم.

5- قدّمي حلقات التفاح مع السكر البودرة أو الآيس كريم.. وبالهنا والشفا..