الى رسول الانسانيه محمد صلى الله عليه واله وسلم
في ذكرى الاسراء والمعراج
الشاعر. عبدالله الهيتي
يتيم وللممجد راح اسره
فك بجفه للاسلام اسره
ولمنه باسره بس شلون اسره
تحت عرش اله نظل سويه
ابيت العوز جان وعايش بعوز
واهل البيت عالمامش ينامون
بس بيهم محمد يعني لاسلام
كسره وغيره من فيضه يجدون
عنده شلون ضحكه بلايه تشبيه
سوه شمس وكمر لمن يطلعون
ود حيل اليتامه والهم يميل
من اشر صدك ماخابت اضنون
انا وكافل يتيم بهاي وي هاي
اشر هيج للجنه يدخلون
العلى شخصك تهجم منك شراد
ذوله اقزام كل ظنهم يكبرون
أذا تحظر محمد بين هالناس
مثل دجله وفرات تفيض لعيون
رسول الله انشدك تصلح الحال
ليش الفرح صار اسنين مركون
ليش ويه النفس تخنكنه لسهام
ليش الاقصى بيد يهود مسجون
دخيل الله ودخيلك احمي لعراق
هوه وموته موته صار اسنين يمشون
رد مع اقتباس
المشاركة الأصلية كتبت بواسطة اسرار بلا عنوان
