ليش تغار منهم وانت بالروح
والي شيعنون خاطر منهم تغار
من كبرك صغيره كبالك العين
وتلم غيرك الف جي كلهم صغار
انه من اشتريتك دون تفكير
ومانادم عرفتك اعرف اختار
احب جنة حياتي بكربك تصير
واحب جنة عدن بفراكك النار
فراشه وداعتك مااصير فد يوم
خاطر مااغازل غيرك ازهار
كتلك بيه صدك واترك الناس
خشب جلماتهم خليك بسمار
وهل كبلك اجوني بهيئه اوراق
جي يدرون قلمي يحب الاشعار
بس وداعتك مافرطت بيك
وصرت كلي بوجهم كتله من نار
لاتنطي بحبيبك حتى وياك
وعلى عيونك اريدك تخفي الاسرار
واحلفك بالعشك لاتزعل وياك
ثق تبجي البلابل دون الاشجار
وانه بلايه انت ولاالي وجود
ارض يصفه الجبل من كونه ينهار
اذا فعلا تحبني وياي خليك
ودورلي العذر لتدور اعذار
خاطر مني تبعد ياضوه العين
واظل ريشه بهواك وبيه تحتار
احبك انت بس ماغيرك اختار
وعليك بداعه امك بطل تغار
رد مع اقتباس
