لو أدري العمـــر مشوار تكضي ايامه وتعدي
ولو أدري الوكت دولاب ياخذبينه ويودي
جا ماشمت الشمات بيه ولا خنت ودي
ولاخليت دمعي يسيل تيزاب وحـــركـ خدي
مو انته الكلت أعوفك واخلـــف بوعدي
أشو نص الدرب يفلان وتبريت من عندي
لحيمي ودج عليه الريش وجناحك كوه بجبدي
كل هذه التعب والطيب ضيعته وصرت ضدي
صدكـ ينسى الفكر والضيم من يستغنى المجدي
بعد وردة شبابي تفوح ماطحت بمرض معدي
بعد حملي عدل مامال ليش تعوفني لوحدي
تدريني خشب وبنار بفركاك رماد وابدي
كل جرح يألم يطيب بس جرحك جرح يظل يدي
بعد شتريد من عندي شضحيلك بعد شفدي
ولو أدري النهايه بهاي ماجنت بهــــــواك أبدي
رد مع اقتباس
