ولك بس لا صدك سويتهه وياي
ناويها واظن تحمل فركتي
عندي شروط اذا رايدني انساك
تجي وتمسح خيالك من صفنتي
وتضمنلي بغيابك اغفى وارتاح
وطيفك كون مايوصل عتبتي
وتهود عيوني اذا سمعوني طرواك
وأثر عطاب مايبقى بدمعتي
وترد كل ذكرياتي وحجيي وياك
وترد نسمة ضحك فكدتها شفتي
شجاها وما تغزر عود وياك
ملح تارسها الك خايب عشرتي
الم ونوح انت بصدري خليت
نعاوي تصير من تطلع حسرتي
كبرها القهر ماتحمل فراك
ابيض راسها مشيب شبكتي
دفك بيبان بالي وشوف بالبال
جوادر ناصبه ببالي حسبتي
عطشانه لهفتي بكاع الغياب
بس ماي الملاكه يروي لهفتي
أنا من اصفن اعاين صافنه وياي
صفنتي وتصفن وتطول صفنتي
ويالماخذ وعد ماأكدر انساك
لحد ماتسمع أخبار بدفنتي.
رد مع اقتباس
