علي صوتك للسما انت العراق
للي ماكدروا ابد يقرونك
كبل من جاعوا الك مدوا الايد
هسة شبعوا كسروا ماعونك
وخلي يعرفونك وسع بالك طويل
ابن سومر خاف مايعرفونك
انت ابن اقدم حضارة اعلة الوجود
وانت منهج لازم يحفظونك
غيره برجالك ولاالها مثيل
سيوف صارو عالذي يعادونك
يالصوتك ريح شك ريح الشراع
اشرعتهم ورق لايهمونك
الوراك يظل وراك شما يصير
لاوحقك ابد ميعبرونك
وانت اذا تكعد تره بطولك يجون
ولما توكف كلها جوة متونك
وراح ترجع كلها تحجيلك نعم
وانت ساكت كبل لايسمعونك
ياعراقي افتخر انت ابن العراق
على هذا الوطن ياخيعونك
يالي بترابك علي وابن الحسين
يوم تنخاهم تراهم عونك
وانت العراق البخيت تظل بخيت
وشارتك ماتخطه الي يعادونك
ورادو يذلوك لكنك عراق
الله ذل الرادو يذلونك
راح تكبر واسمك يلوح النجوم
على عناد الي رادو يصغرونك
رد مع اقتباس