نـبـض كـلـبي بـمحبتك واشتهه بشوك
يعيد أوراق عمره ويقــره تـذكــارك
من كل لحظة يبدي وكل سطر مكتوب
من كل ورقه سلمت مـن حلـك نارك
مـن كـلـبـي الـنـساك وغفله عاود ليك
وبـلـحـظـة محـنـه تسحــره بنظارك
أذا بـيـدك طـردتـه مـن الـكلب شتكول
هـيـن مـن يـحـن ويـعــود خــطــارك
هـيـن عـلـى الـشـاعر من يكتبك شوك
وبالمـحـة وداع يـــضـيـع أشـعـارك
جنت فرصة محبة بتالـي درس أفراك
وانه بواهس محبتي اسـتـلهم أفكارك
وهسه بشوف ضلك مـسـتـعــز يكـون
عندي وما عـرفـــت بهاذي شخبارك
جـنـت بـطـوار شـوكك كبل عيني تنام
وهـسـه الليل ذلــه تسهـره بـطـوارك
وعـيـونـك بـلـحـظة جروحي حنن ليك
وكسر كلبي انتـفـض وتحتاز تجبارك
والـهـذا أنـفـعـل وبـروحـي اذب اللوم
ومـرات أنه و روحــي اعليك نتعارك
لأن ما طاوعتني بوكــت ردت أنساك
وجـبـرتـني برغم كـــل بعــدك أختارك
يـل بـايــك فـرحـتــي مـن الـــف للياء
وعـافـيـلـي الـجـروح تـصـلي بكتارك
ونـاسـي شـلـون جـمـارك لـحــد الأن
طعمه اعله الشفايف بـــاقي جمارك
وابد ما راح اسولف أمن عالاسـرار
كل ذكره بعشكنه وحافظ أسرارك
رد مع اقتباس
المشاركة الأصلية كتبت بواسطة علي الازيرجاوي
