كلي شراح اكلك وانت راح تروح
وليش اتلح عليه وتنتظر ردي
هذا لسان حال دموعي تحجي وياك
وراح اسكت واحجي دموعي البخدي
اسولف بالمضى واتوسلك عبرات
اود اشبع بشوفك واحتفل ودي
ظل وياي اريدك والبقن جم يوم
وهاليوم صارت حدك وحدي
خليني ارد اشوفك كمت احسك طيف
ويا عين التكض الطيف اليعدي
... صرفنه سنين حبنه وخلصن تبذير
وعلى يوم النشوفك باجر انجدي
اخذني وياك اريدك ما اريد الغير
وكون ابسدك اكعد واكعد ابسدي
لتخليني وحدي منين اعرف الناس
لا اكدر اعاشر لا خلك عندي
احب اشلون غيرك من اود شلون
وانه وياك كلش خلصت ودي
بكد حبك النفسك جنت اناني وياي
ومنو بكدي يحبك محد ابكدي
يالبيه وي روحي الطلعه طلعة موت
شيردكم علي لو صيحت ردي
اخذني وياك مني اشعندي باقي وياي
وكلي وياك اخذني وكلشي لتودي
شيصيرن بعد خلي اليصير ايصير
خل كلشي الاليه وينكلب ضدي
خل سنيني تغرك خل عمري يفيض
خل كبال عيني وينهدم سدي
خايف صح جنت بس جنت اخاف عليك
والمن بعدك انته وخايف اشعندي
رد مع اقتباس