غريب انتة وطحت والغربة التلكوك
يم باب السجن والعرش هزيتة
ولاواحد من اهلك راحلك جناز
بالدفنة وحنين اجتافة حسيتة
ولاصوت ارجعلهم وكف التابوت
من بابة تريد تشيعة اهاليتة
ليش اعلة الجسر وصيت اليشيعون
اليموت اجنازتة يودونهه البيتة
وانتة لوحدك ماجنت شايل سيف
بصلاتك والصبر هارون بجيتة
ظلام السجن يخنك ركبة المسجون
بس انتة ضوة متروس خليتة
ومامثلوم صبرك ظل جبل مولاي
كل ركعة بصلاتك ساف عليتة
ومن خليت كصتك عالارض صليت
الله اليدري جم بركان طفيتة
راهب بني هاشم لقب لاك وياك
ولان بأسم العبادة اللقب حبيتة
ولان انت امام وزاهد ومعصوم
وباب لرحمة الله ونهج قدسيتة
اطيح بركبتك كل مرة من احتاج
وبابك من اجي مامرة سديتة
واتعنة لضريحك روحي بالشباج
دمع مهضوم الك بعيوني ضميتة
ولان مولاي اعرفك ماترد مجروح
جبت جرحي الك عالكبة شريتة
وخاف يمرني يوم وانسة اذكرك بيه
علك صغت العمر بالحضرة شديتة
رد مع اقتباس
