هنا

[warda]

جنه مشغولين بالهم
جنه مشغولين بالذم
جنه مشغولين نمسح
عن وجه بغداد كل دم
جنه مشغولين بحروف القصايد
بالسوالف...
بالعواطف....
بالصداقات النبيله...
(بالنده الينزل خناجر بالضلوع)!
بالثلج منه نسوي
ساعة الوحشه كلايد!
بس كلايد من ثلج...
حدر الشمس جانت تموع..!!
انت هم شايف كلايد..
تلمع بليل الشته بسفره طويله..
ومن يجيها الصيف تهفت..
تصفر وتصبح عليله!!
انت هم شايف قصايد...
ضاعت بليل العواصف...
والصور صارن طبل كل يوم يدوي
وانت هم شايف صور بالموت تضوي؟؟
جنه نسكن بالصرايف
جنه نلعب بالحواري
جنه نركض بالبحيه
جنه مليانين ضحكات وسوالف
جنه نمطر طيب واشواك وحنين وأريحيه...
جنه نمشي هواي نمشي
جنه تالي الليل نعشي
جنه ماكو جنه كلشي..
جنه ناخذها مشي بغداد لحد الصالحيه...
انت شايل بيدك التابوت والجناز خايف...
وانه شايل بيدي نعشي...
جنه نعرف زين تاليت المواقف...
جنه نعرف زين تالي المسرحيه....!!!
تبتدي بشاعر يصيح...
والعمر صرخة وطن دامي وجريح...
والذبيح يرافس ومحد سمع صوت الذبيح!!!
جنه بالدارات نفتر
بالكهاوي لحد صياح الديج نسهر..
وانته كيفك تدخل ليا جنه رايد...
؟
تدخل لجنة حكيم؟
تدخل لجنة حليم؟
تدخل لجنة سليم؟
تدخل لنادي السمان؟
تدخل النادي المضايف؟
تدخل بذيج الدرابين العتيكه والفروع...؟؟
وين ما تدخل تشوف هناك درويش وإمام
وين ما تدخل تشوف هناك زاهد
وين ما تدخل تشوف الرازقي بعطره يضوع؟
جان زامل ينتظرنه؟
جان هاشم ينتشي بضحكة فجرنه
جان جبار بفرح يقرة شعرنه؟
جان الشطري نتاني
من بعد ساعه ويمرنه
والحصيري يبيع جان بأرخص الاثمان شعره!
جان جودة فوك تيل النادي كاعد
واحنه ما نعطش كبل جنه ولا نعرف نجوع
هذا هو حال العراقي ما يدنك راسه وما يعرف خضوع
...............
الى الراحل جاسم التميمي

[سجايا]

الله يا ورده

كلمات القصيده عتب مبكي

شكرا للانتقاء حبيبتي

[warda]

الله يا ورده

كلمات القصيده عتب مبكي

شكرا للانتقاء حبيبتي

الله على طلتك البهيه غاليتي

دمتي بالف خير هاوس الرائعه

[علي الازيرجاوي]

موضوع فى قمة الخيااال

طرحت فأبدعت

دمت ودام عطائك

ودائما بأنتظار جديدك الشيق

لك خالص تحياتي

[warda]

موضوع فى قمة الخيااال

طرحت فأبدعت

دمت ودام عطائك

ودائما بأنتظار جديدك الشيق

لك خالص تحياتي

شكرا لتواجدك العطر عزيزي

دمت بخير علي