قصيدة الام العراقيه
بسم الله الرحمن الرحيم
( بقلمي حصري لدرر العراق)
خنسولف صدك مانظحك بهاي
ونحجيها الحقيقه بدون تغيير
أذا أكتب شطر عن امي ياناس
تهتز القصيده بأيدي وتغير
احس القلم يرجف وكتبت بي
وأحس من الجدم للهام تقصير
الصبر عن الصبر اكتب دواوين
وأسطر بالكلام بدون تفكير
أذا دمعة اعيونج ساكنه البيت
كل مادير عيني كبالي اتصير
وتظحك من كلبها بساعة الضيج
وبس هيه الوحيده ابجرحي التحير
آنه ادري الفرح مامرج بيوم
يفياضت محنه تفيض بالخير
يا أجمل لحن موسيقى الحزان
وغنت بيج موال العصافير
النوايب من يمرن بيها سهلات
واذا تسألني اكلك ليش ميصير
أذا حظن امي جنه اتكول بغداد
ماتاخذ أبد بس تنطي للغير
شسولفلك بعد موشيب الراس
اليسمعني يكول شلون تسطير
تفسيرج صعب ما أكدر اعليه
بس حزنج ييمه كتاب تفسير
كلجن بالقصيده اردفجن ارداف
أذا بس وحده احس بسوء تقدير
رد مع اقتباس
