حضنك والثلج نفس الطعم واللون
قارنتة وجبيني من الخجل نكط
ضميت النحر بيدك شفت سجين
سجينك واعرفة بيا نحر ينحط
من كّد ما اصل للشط وارد عطشان
ابشرك كّمت احس الماي مو بالشط
انة مجتف واعاند مو لان مغتاظ
بس العناد سولة براس المكمط
انة الجنت بصبع لاوي ميت ذراع
صرت مثل الطفل ضليت بس انغط
جنت اكعد عوج بس ارعب الديوان
هسة تعدلت بس الحجي مخربط
احضرلّي الصبح كاس وجكارة وليل
ومناشغ طفل بس كون ما يفحط
انا بصدري نفس شوفتة للغركان
ضل يضحك علية وهز اديه وغط
اتيه بالصور والمفردات تضيع
واتبعثر عليهن وارجع اتسفط
اعاين علة كليبي شجابك ؟ شوازاك؟
العليه امة اندعت مو هيج يتورط
كبل جابو عشكهم وانتة تتشرط
ومن يمشون رادو رسمتلهم خط
واجوي وحاولو وتمنوا يغيروك
بس طبعك عنيد وما تغير قط
وهسة تغيرت وضلوعي متعجبات
منو هذا الكلب وشلون بينة نحط
يسألوني وشجاوب ساكت وفشلان
مثل فشلة شريف وعاشر المنحط
جنت بلا وحي بكل صفنة اكتب بيت
صفيت اتهجة هسة ابأسمي جاي اغلط
راقت لي
رد مع اقتباس
