هنا

[ريتاج الطائي]

شتســـولف بعد وي خـــاطري المكسور؟!
جام إتكسـر بيا سالفـه تجبره...

صفره جفـــوف إديك وحجيك المسمـــوم
لـــون أصفــر طلــع والريـح إجـت صفـره

عساهــه إبخــت كلبي المـــاعرف يختار
والعــرفني بيك بحظـه وبعمــره

هسـه تـــريد ترجع مــن بعـد ماراح
عمـــري وشــد متــاعه وتيهــت عمـــره

بيـــافشلــة جـرح؟ ياعاطفـه أتلكاك؟!
أكلــك ثـــلج بعدك صـارت الجمـره

لاتتعـــب بعـد راحت الشـاره البيــك
مـــن سديت بابــك سـدوا الحضــره

وانــه إلمـن بعــد فاتــح ضـــريح الشـــوك
شباج الكــلب مايحمــل العصـره

بعيـونــي كبـل جـانت الدنيـه نجــوم
هسه إطشــرن وإتبدت الكمره

مـو فقـــره الجروح إتعلمــن بجفــاك
ضحكـه وسـالفه وتتقشمـــر الفقـره

تذكر من كلتلك لاتلـح عالبيــر؟؟
هسه شلون تشــرب طلعت الصخـــره؟

وكتلك لاتـــذب جرتـــك ماظـل ماي
(موكل مره تطلع سالمـه الجـــره)

كطـــرة مـــاي روحـــي ومرهـــه چفـــك نـــار
طشرهه وبچت وأختنكـت الكطــره

عساهــه بذمتك راح احـرك البستان
خلهـه تمـوت سكته عيونك الفقــره

إلــه الموت شفتـــك بس كــلت بيـه روح
شـوف شكـد جبتهـــه ويـاك عالفطــره

وهسـه تريـد روحـي ولازم اكفـــر بيـــك
مادامـك صنم ماتنحـسب كفــره
مادامـك صنم ماتنحـسب كفــره

[بقايا انسان حزين]

جميل جدا

[ريتاج الطائي]

ذوقك الاجمل شكرا المرورك الرائع

[علي الازيرجاوي]

موضوع في قمة الروعه

لطالما كانت مواضيعك متميزة

لا عدمنا التميز و روعة الإختيار

دمت لنا ودام تألقك الدائم

[ريتاج الطائي]

شكرا على كلامك الرائع ومرورك الاروع