هنا

[ريتاج الطائي]

سألوني اصدقائي وكلت ماحبيت
شكلهم يا بشر هذا اللي حبيته

كلتلهم لوحدي عايش ومرتاح
والحب بس خيانه وغدر سميته

لأن جربت احب بس مالكيت انسان
على نيتي احبه وهم على نيته

لكيت اللي يخون وبالظهر ينطيك
سجين الغدر بس هذا اني لاكيته

ولكيت اللي جرحني بغير اي اسباب
وجازاني بجرح واني اللي داويته

تردوني احب والغدر طبع الناس
بطلت العشك والباب سديته

احب بس العراق وكلكم تعرفون
حب هذا الوطن بكليبي ضميته

مو بس موت احبه اني هايم بي
كل عمري وحياتي فدوه اله انطيته

عراقي اني افتخر وابقى فخر للناس
ويربي تذله كلمن باع جنسيته

تفرج ياعراق وتنتهي الأحزان
ويرجع كل عراقي سالم لبيته

صدك من كال ماجد ياوطن جنه
يحفظك ربي بس هذا التمنيته

[بقايا انسان حزين]

هيجتي الموااااااااجع يا ريتاااج