حلم نرجع بعـــد ونعيد ماضينـــه
حسافه تروح ضحكتنه وسوالف ليــــل
ودمـــوع الفرح تســـبك ليالينـــــه
جنه نضحك حتى لو بينــــه هموم
وكلبنه الحب بعضنه هوه اليسلينه
أوووووف من الزمان شسوه بينه اليوم
ذبحنه بكل صلافـــه وغرز سجــــينه
حلم ترجــــــــــع ليالي البيهه حبينه
بعدهه بعيني ضحكاتـــك ورسم عيناك
وكــلماتك الحـــلوه البيهه غنيــــنه
ولهسه بطارف ايدي أثر لمســـاك
ويحسدنه البشـــر من شاف اديـــنه
ماصدكو يفركنه الوكت فد يــــوم
ولامحــسبين رايـــح ماتجــــينه
طير اليغترب لابد يرد بلــــيل
مصيره يعود لدياره وحنـــينه
رهنه العمر لجلك وانت مرهون
نريد أعمارنه وين الرهيــــنه؟
كمنه نسهر حتى ننسى الي يصير
طلع حتى السهر يضحك علينه
صرنه نتأمل ترد ذيج السنين
زهكنه من الزمان ومن سنينه
يمكن مانشوفك وانت ماموجود
تضل بس الصور هيه التلهينه
تضل بس الصور هيه التلهينه
منقول
رد مع اقتباس
المشاركة الأصلية كتبت بواسطة ابن (بغداد)
