هنا

[ارجع يازمان]

الجديد من اروع الدارميات المباشره
اسئلة واجوبه!!
بين الشاعر حسين الساعدي والرائعه مريم17
يوم من الابداع المباشر


مريم
كل الجروح اتطيب بس جرح الفراك
ليش الجرح وياي لحبابه مشتاك؟
الساعدي
مثلك يحن مشتاك جرحك عليهم
حَب ينلجم كل يوم بثنين اديهم
-------------------
مريم
أرد أسئل الدكتور شينوم العين
واحبابي هذا اليوم صاروا بعيدين
الساعدي
مثلك تراني ابهاي متحمل اهموم
من هاجروا لليوم ما شايف النوم
-----------------------
مريم
وينه اليداوي الروح ما مستريحه
من هاجروا لليوم ضلت جريحه
الساعدي
ماظن دوه وتلكاه واخذ النصيحه
روحك على العافوك مثل الذبيحه
------------------
مريم
أرد أسئل العشاك عن لوعة الروح
اشكد أنتضر وتطيب كل هاي الجروح؟
الساعدي
لا تسأل إولا ادوخ ماظن يطيبن
اجروحك عله العافوك يمكن يزيدن
---------------------
مريم
وين السواعد وين وبهل مصيبه
كلبي ابتوالي الليل يطلب حبيبه


الساعدي

كلبك الهذا اليوم لا ما نساهم
فزاته تالي الليل ذاكر هواهم


-------------------


مريم

ليش التهجره احباب كلهه تلومه
فوك القهر والضيم زادوا همومه



الساعدي

هذا الطبع بالناس للفاكد أحباب
اتزيد الملامه اوياه ويزيد الِعتاب

----------------

مريم

كالوا سنه وتنساه شو ما نسيته؟
أنسه الشرب والزاد وتذكريته



الساعدي

صَدكني ما تنساه إولا تنسه رسمه
كلبك يطير اوياه لو ذكروا اسمه

-------------------

مريم

يالساعدي ابيا روح باجر أودعه
والروحه هاي اسنين ما منهه رجعه



الساعدي

وَدعه ابرفيف الروح لو صار الِوداع
وتحاضن انته اوياه وطيحوا عله الكاع

--------------------

مريم
كالو عليك ابساع تنسه اليحبك!!!
احجي ابصراحه ارجوك صفيلي كلبك


الساعدي

من العواذل دوم كل هالدعايه
ما خبط كلبي ابيوم ضَل صافي مايه

------------------


مريم

بالسبت من انروح شيخلص الاحد
ذبت فرحهه الروح لبستلك أسود


الساعدي

يَمعوده لتحيرين دام الله موجود
هَم تخلص الايام ويردج اردود

---------------------


مريم

شيخلص الايام وارجع وأشوفك
لو بيدي لا والله مالحضه اعوفك


الساعدي
ايخلصن وحَك عيناك وتضل سوالف
وترجعلك الضحكات فوك الشفايف



---------------------------


مريم

شوف الكلب يحسين بس بالحزن فاض
ليش الايام اوياك بس تركض اركاض!


الساعدي
هيه الاوقات اتطير لينسه نفسه
والشهر يوم ايصير وياك أحسه


--------------------


مريم

يوم السبت يحسين ما اشوفك أنه
بس تبقه هاي الروح عندك أمانه


الساعدي
روحك ابهاي العين لا والله بالروح
ويمكن أضمهه انوب مابين الجروح


---------------------------



مريم

ابهولندا هذا اليوم صارت كأبه
بعد السبت وياك ماكو كتابه


الساعدي

شنهي السفر لو طال تبقى انته وياي
ساعة فراغ اوياك هم نكتب اهواي

------------------------



مريم

تدري ابحجينه هاذ واللي نكتبه
علمنه كل الناس معنه المحبه!


الساعدي
من شاعر إومَجنون خَل إيتَعَلمون
خليهم ايعرفون همسات العيون


----------------------

مريم


خاف الغياب ايطول والغربه صعبه
انطيني خطه أنساك يابو المحبه


الساعدي
هههههههههههه
لو عندي خطه اليوم جا طبقتهه
وأنسه وأريح الروح يل عذبتهه


--------------------------


مريم

ابلندن اشراح ايصير بس الله ستار
يمكن اموت اهناك من أقرء الاشعار


الساعدي
بالغربه هَالأشعار خليهه سلوه
ذكره المحبه وشوك والذكره حلوه



-------------------------



مريم

شوف الزمان اشلون بلوه بلاني
بامريكا كلبي اهناك وبلندن اني

الساعدي
صَدكني كلشي ايهون بس ادعي رَبك
بأمر الله تتلاكون انته اويه كلبك


-----------------------



مع اجمل التحايا للجميع من حسين الساعدي ومريم 17

منقوووووووووول






++++++++++++++++++

مساجلة حالك زين!!
مساجلتي مع الشاعر حسين الساعدي
::::
حالك زين
ريتك تعلم ابحالي
بعيونك عتب وياي يالغالي
//////////////////


______
ولك وَأترقب أخبارك
واكف ماعفت دارك
شَك ابوكفتي جارك
وسَِمع ونات دلالي
وحالك زين
ريتك تعلم ابحالي
وحالك زين!
ااالساعدي
××××

‘
________
أحبك وَاهلي عرفوني
وشافوا دمعه بعيوني
ومن ملكاك حرموني

عليك وخابت أمالي
وحالك زين
ريتك تعلم ابحالي
وحالك زين!
مريم
××××

‘

____________

أنه الوديت مشايه
وأهلج رفضو اهوايه
فقير وما الي غايه

وبس الدمعه تبرالي
وحالك زين
ريتك تعلم ابحالي
وحالك زين!
االساعدي
××××

‘

___________

حديقه وعرفو احوالك
وحال الضيم يا حالك
ماكو شغل موالك!!
يخايب والمهر غالي!
وحالك زين
ريتك تعلم ابحالي
وحالك زين!

مريم
××××

‘

___________

أفر عالشغل يوميه
وخوتج مثلي يبنيه
حدايق ميه بالميه
وكلهم نفس مَوالي
وحالك زين
ريتك تعلم ابحالي
وحالك زين!
االساعدي
××××

‘

_____________


مهري إولازم اتجيبه
لوجان ابحلك ذيبه!
دَستعجل يبو الطيبه
بسياره وقصر عالي
وحالك زين
ريتك تعلم ابحالي
وحالك زين!
مريم
×××××


‘

________________

وأهلج بالمهر بلوه
وأنه الَميتهن كوه
رحت ونطيتهن رشوه
وعَلي قفصو من تالي
وحالك زين
ريتك تعلم ابحالي
وحالك زين!
ااالساعدي