يا كافل الحوراء زينب
اجيت او وليت الشمات صعبه وما عليها اكدر
دخيلك وانت ابو فاضل حشاك بهاي تتعذر
يذخر اليوكع بشده ويعكازة المايكدر
غشيم او وليت ابنادم اشد من صفحة الخنجر
اجيتك كاصد اعله ازماط والشمات تتفكر
اجيت ومشيه جايبلك عجيد الكوفه المشكر
عليك بنحر دم (مسلم)اريد بشدتي تحضر
ابن عمك سفير(حسين)حاشه الكاصده يخسر
وآخذ(طوعه)مشيه وياي والتمارخل ينغر
عليك بنحر (عبد الله)الرضيع بحالتي تبصر
امشي عليك صدر (حسين)ذاك الداسته العسكر
عليك الواحد وسبعين والواكف على الكوثر
عليك ام الخدر (زينب)وامتهه نسل حيدر
عذر ما اريد من عندك اجيتك والوجه صوفر
توازت والحل بكيفك
انه الفزعتك اتنطر........انه الفزعتك اتنطر
منقول
رد مع اقتباس