اريد اشكي اريد احكي واوصف للبشر حرمان..
أريد ابكي من الضيقة وبعزف للهموم ألحان
أريد اطلق مواويل الحزن وبطرح كل دواويني
أريد أشكي أريد احكي ابوصف للبشر حرمان
أريدهم كلهم يدرون أبيهم يشعروا فيني
أريد لا من طرى اسمي بكى من لوعتي شيبان
أريد لامن طرى"عاشق" ذكر من كان يغليني
أريدهم يذكرون أني صرت بدمعتي غرقان
أريدهم يعرفون الهم هواللي صار يخاويني
أريد أصرخ وأبلغهم وأقول أن الفرح خوّان
يجي مرة معاي و هو طول العمر ناسيني
أريد اترك لهم قصة وأخيّرهم على العنوان
يسمّوا "حزن "يحطوا "دمع" ..ما عاد يعنيني
أريد لامن وصل صوتي يحس بضيقتي إنسان
أريد لامن نزف جرحي لقيت اللي يداويني
أريد شخص يجي يمي و يقفل للعنا بيبان
أريد يكون لي خل وعلى حزني يواسيني
أريده لمركبي مرسى وأريده لغربتي أوطان
أريد لامن ذرفت الدمع لقيته لي يعزّيني
أنا ما اريد يصبح ضلع أريده يكون لي ضلعان
أريد لا من مشيت وطحت يحط يديه في يديني
إلامن خانني التعبير أبيه يكون لي لسان
أريد لامن سكت ألقاه ..يفهم من نظر عيني
أريد لا من تعبت وضقت يلم الروح بالأحضان
أريده يكون لي كتاب إذا ضاعت عناويني
أريد أعشق وأبي أغرم وببني للهوى بنيان
أريده يكون مبنى ضخم ويسكن فيه مغليني
أريد واحد يسكن بي وابطرد لأجله السكّان
أريد يسكن وسط قلبي وعمره ما يخليني
أريد أشعل شموع الحب وبأعطي من الغلا بستان
أريد أهديه باقة ورد ..مسقيها شراييني .
رد مع اقتباس
