اخوية العزيز...البرامج اللي انت منصبها اكو احتمال وارد جدا انه احد هالبرامج هو اللي دا يسبب الحاسبة تعلق ...الانتي فايروس اللي منصبة شنو ؟AVG؟..مرات هو يسبب هالشي وعن تجربة دا احجيلك ...
اكو فد شي اذا تسويه هم الحاسبة تعلق ...بالوندوز سفن وهو يتعلق بالنت ...اذا منتبه اول شي انت تكنك عالشبكة ..وبعدها تربط باليوزر والباسوورد ..اذا حاولت تسوي REPAIR للنت بدون ما تفصل الاتصال الثاني ...رأسا تعلق الحاسبة ...
عموما الافضل تنصب برامج من قرص موثوق ...
تحياتي وبالتوفيق.
المشاركة الأصلية كتبت بواسطة fairy touch
عيني الحاسبة ستوني مفرمتهة مامنصب برامج يمكن لو واحد او اثنين وصح مثل مااكلتي بس من اتصل بالنت تعلك الحاسبة ..
شغلة الحاسبة اصلية .. و تحتاج برامج اصلية مدري شنو يالة تشتغل بصورة نظامية ... هذه كلاوات
قضية الـ 32 bit و الـ 64 bit .. مجرد مسألة سرعة و كفاءة .. عموما بحالتك الـ 64 bit احسن (ما طول قبل ينصبه .. خلص)
أكو عدة امور نكدر نسويها
1- إذا انته تفرمت كل مرة بنفس قرص الويندوز .. او تفرمت يم نفس المكتب او الشخص كل مرة .. اريدك تغير.. و تجرب غير قرص للنظام.. او غير "مفرمت"
2- شوكت بالضبط "تعلق" الحاسبة عادة ؟؟؟ بعد يا إجراء تسويه ؟؟ .. إذا على الياهو ماسنجر .. هذه عادية . .الياهو ماسنجر يعلق حتى لو ماكو اي مشكلة .. يعني مو مشكلة
3- من "تعلق" الحاسبة .. اريدك تحاول تدوس Ctrl+Alt+Del بالكيبورد .. و تشغل الـ Task Manager .. و تروح على الـ Processes و تشوف إذا جانت اكو وحدة منهن مستغل الـ CPU 100% مثلا او قريبة على هذه النسبة .. انطيني اسمها هنا .. يعني هي بيها المشكلة
4- أريدك تستعيد ضبط المصنع لاعدادات الـ Bios مال الحاسبة (او تخللي احد يسويها إلك).. (يسموها الشاشة الزركة) اول ما تشغل الحاسبة تدوس F2 او Del او ESC حسب نوع الحاسبة.. و تدخل على الـ Bios (اسمه Setup هم) و تروح على الخيار اللي يرجعلك اعدادات المصنع (Default Settings) أو (Manufacture settings) .. شوف شنو اسمها .. و تدوس بعدها F10 علمود تحفظ التغييرات و تطلع
5- الأفضل أنه يشوفها شخص مختص و يفحصها كبال عينه .. تكون عملية تشخيص المشكلة اكثر سهولة بهواي من الوصف
6- محتمل اكو مشكلة بالهاردوير مالتها ؟؟ مممم يجوز .. بس بعيدة
إذا عندك معلومات بعد .. تكدر تفيدني بيها .. و راح اطلب مساعدة العميل السري علي اونكر فورا
شغلة الحاسبة اصلية .. و تحتاج برامج اصلية مدري شنو يالة تشتغل بصورة نظامية ... هذه كلاوات
اوكي فهمت
قضية الـ 32 bit و الـ 64 bit .. مجرد مسألة سرعة و كفاءة .. عموما بحالتك الـ 64 bit احسن (ما طول قبل ينصبه .. خلص)
نصبت 64 بت وهم نفس الحالة تعلك
أكو عدة امور نكدر نسويها
1- إذا انته تفرمت كل مرة بنفس قرص الويندوز .. او تفرمت يم نفس المكتب او الشخص كل مرة .. اريدك تغير.. و تجرب غير قرص للنظام.. او غير "مفرمت"
حبيبي فرمتت الف مرة وحتى جبت ويندوز نسخة اصلية وهم تعلك ..!!!
2- شوكت بالضبط "تعلق" الحاسبة عادة ؟؟؟ بعد يا إجراء تسويه ؟؟ .. إذا على الياهو ماسنجر .. هذه عادية . .الياهو ماسنجر يعلق حتى لو ماكو اي مشكلة .. يعني مو مشكلة
لاحبيبي مو شرط الياهو مثلا هسة اني جاي اكتب رد الك علكت مرتين عندي ...!! ... والياهو غلقتة
3- من "تعلق" الحاسبة .. اريدك تحاول تدوس Ctrl+Alt+Del بالكيبورد .. و تشغل الـ Task Manager .. و تروح على الـ Processes و تشوف إذا جانت اكو وحدة منهن مستغل الـ CPU 100% مثلا او قريبة على هذه النسبة .. انطيني اسمها هنا .. يعني هي بيها المشكلة
لا ... اكثر شي 2 %
4- أريدك تستعيد ضبط المصنع لاعدادات الـ Bios مال الحاسبة (او تخللي احد يسويها إلك).. (يسموها الشاشة الزركة) اول ما تشغل الحاسبة تدوس F2 او Del او ESC حسب نوع الحاسبة.. و تدخل على الـ Bios (اسمه Setup هم) و تروح على الخيار اللي يرجعلك اعدادات المصنع (Default Settings) أو (Manufacture settings) .. شوف شنو اسمها .. و تدوس بعدها F10 علمود تحفظ التغييرات و تطلع
سويت وهم نفس الحالة
5- الأفضل أنه يشوفها شخص مختص و يفحصها كبال عينه .. تكون عملية تشخيص المشكلة اكثر سهولة بهواي من الوصف
نشوف والله كريم
6- محتمل اكو مشكلة بالهاردوير مالتها ؟؟ مممم يجوز .. بس بعيدة
يمتة صارت المشكلة صارلي اسبوع من جبتهة ... واذا صدك مشكلة بالهاردوير اطكه بالكاع مااسويهة
إذا عندك معلومات بعد .. تكدر تفيدني بيها .. و راح اطلب مساعدة العميل السري علي اونكر فورا
المعلومات ... حاسبةvpcee31fx sony vaio
ram 3Gb
كارت الشاشة 1Gb
بروسسر 2.2Ghz
الهارد 320
الخلل .. من اتصفح المنتديات تتوقف فجئة شوية ويروح التعليق ورة نص ساعة هم ترجع تعلك وهكذا ....!
العزيز
ما دام الحاسبة حاليا في فترة الضمان .. الأفضل أنه ترجعها للمكتب اللي اشتريتها منه.. لأن نخاف (اني و علاء دا نتناقش هسة) .. انه المشكلة بالهاردوير مالته .. و بالخصوص .. بالرام مالتها
إذا الحاسبة ما بيها ضمان .. و ما تكدر ترجعها عل مكتب .. او اشتريتها من مكتب فرعي ما انطاك بيها ضمان .. راح انطيك شي تسويه .. و عل أكثر راح يفيدك بالتشخيص .. بس راح "تطلع" الحاسبة من الضمان
بما أنه الحاسبة تعلك .. بدون أي سبب ظاهري .. نشك انه المشكلة بالرام مالته ..ممكن "وحدة" من الرامات مالتها بيها مشكلة .. و دا تسبب هذا التعليك.. لذلك شلون راح تفحص ؟
على الأكث راح تلكي قطعتين مشدودات باللابتوب مالتك وحدة 2 كيكا .. و الثانية 1 كيكا ... اريدك تفتح الغطاء الخلفي اللابتوب الخاص بالرام (او احد يفتحها إلك) .. و تنزع القطعة الاولى .. و تشغل الحاسبة .. و تشوفها .. صارت طبيعية لو لا ((طبعا تبين عندك بالاستخدام العادي .. اريدك تفتح انترنيت و تشتغل بيها فد ساعة مثلا.. و تتأكد أنه المشكلة اختفت .. او لا زالت)
إذا بعدها نفس المشكلة ..رجع القطعة الاولى .. و خللي القطعة الثانية .. و شوف الحاسبة صارت طبيعية لو لا
إذا اختفت المشكلة من نزعت وحدة من القطع .. يعني المشكلة بهاي القطعة اللي نزعتها .. بيها خلل هاردوير .. و بعد بقت يمك .. تريد ترجعها على اللي اشتريتها منه أو تبدلها .. او تلغيها و تبقى تشتغل عل قطعة اللاخ
بس خللي ببالك .. انه إذا جان اكو ضمان بالحاسبة .. راح تطلع من الضمان بمجرد ما تسوي هاي العملية .. الأفضل إذا بيها ضمان .. ترجعها على المكتب اللي اخذتها منه اما يعالجوها او يبدلوها إلك
منتظر ردك ..تحياتي
حاسبتك ذبها بالشط ..بعد متفيد ....... وداعت شيسمونه
شكرااا لك اخي سامر وتعبتك وياي الافضل ماافتحهة اذهب للمكتب الي اشتريتهة منة وافهمة او استبدلهة بحاسبة اخرى ... تحياتي لك
عندك تفائل موطبيعي خرب يومك خربت واهسي بلابتوبات
اخواني بعد عناء طويل عرفت شنو المشكلة تدرون شنو ..؟ ,,,, اللاب توب بيهة وايرلس داخلي فكان مشتغل وياثر على اداء الحاسبة ويخليهة تعلك هسة سويتة اوف اكو زر اسفل اسفل الحاسبة والان الحمد الله راح التعليق الي بالحاسبة ... شكراا لك من ساعدني ولو اعرف كلمة شكر قليلة بحقهم .. تحياتي واحترامي للجميع وعلى راسهم الاخ سامر
الحمد لله على حل مشكلتك .. و الله فرحت لان انحلت و شايللك هم
بس .. الوايرليس ؟؟ شنو علاقته بالقضية ؟؟ .. هسة مو هاي الـ "وايرليسات" مال حاسابتنا تشتغل مثل الورد ؟؟ ممكن القضية بالتعريف مالته ؟؟ عموما .. .. المفروض هذه الحالة ما تصير ..اطفاء الوايرليس و خسارة مثل هذه المواصفة بالحاسبة مسألة مو صحيحة .. تر هذه مسألة هم تحتاج اما معالجة او تبديل للحاسبة (إذا بعدها بفترة الضمان) .. لا تكللي الوايرليس مو مهم .. و انته بعد شوف وضعك .. و موفق بكلشي
رد مع اقتباس