هنا

[ايليتا]

شكلي بديت احن واحب من ثاني
هذا العشك والله طبعه اناني
شكلي بديت احب وأرجعت انا أهوى
هالمرة من كيفي ...والله مو كوه
شكلي بديت اعترف بالحب أنا اول
حسيت بي أيحبني من ابتعد يتحول
ايصير غير الناس ينتظر بشوكه
يتعصب ابعدي ويكشف احروكه
والله هذا العشك ياناس مصيبه
اذا دخل عالكلب بسهمه ويصيبه
يغير الانسان ويرجعه من ذاته
ويخلي نبض الكلب اسمه بدكاته
هذا العشك تدرون المن هديته
لاجمل الأوطان ساكن أنا بيته
هذا العشك حلال لعراق لبقلبي
اهدي هذا القصيد للغالي ولحبي
شوف هذا العشك ماكو احلى منه
ينطيك هذا الوطن كلشي بلا منه
تشرب بيه الماي وتكعد على الكورنيش
وتضحك وسط ناسك وبيه انت تعيش
كلولي ياهل بالبشر ليش تحسدوني
وانا حبيبي عراق الغالي بعيوني
اتمنى احضنك ياوطن ياغالي واشمك
وأشعل كلمن يظن يمس شبر من أرضك
وترخص الروح لكل مقدساتك وأرضك وشعبك
اذا مو الك أفدي الروح المن لعد بظنك
حبيبي انت ياعراق وما كو بغلاتك
واهدي شمسي الك ولاهلك وناسك
مجنونة بحبك سيدي والله ومخبله
وما أكدر اكتب بعد خنكتني العبره
لان حبك ياوطن بجرحي خليته
ودكيت اباب الكلب اهنا عراق بيته
الروح ترخص الك ياوطن وتحبك
أموت فدوه الك وانتحر بعشكك
حرام على كل عدو يفكر ولو مره
ياذي حبيبي العراق ويفكر ايدمره
لان بي احنه العراقيين اصحاب الشهامه
والله يندم اذا هاجت عليه الغيرة والكرامه
احنه اهل هالوطن ولد المضايف
ما يوم دخل غريب الا بهلا تفضل اضايف
يا محله هذا الوطن بغيرته الحلوة
حبيته أني حيل والله بكيفي مو كوه
اريد اوكفك ياقلم كافي شويه ارتاح..اصفه ..
يجاوبني مبتسم كملي..امقصر أنا والله ابوصفه...
هذا حبيبي ومنو قادر علا وصفه...
يطيب كلمن يجي بحضرته ويصفه...
مرضي اذا ابتعد وشوفته الوصفه...
بقلمي شمس الدرر

[شمـوخ رغ ــم الجـروح]

رووعة شكرا

[هدوء الكون]

شكلي بديت احن واحب من ثاني
هذا العشك والله طبعه اناني
شكلي بديت احب وأرجعت انا أهوى
هالمرة من كيفي ...والله مو كوه
______________________________


الله الله على حب الوطن ايش هذا الابداع وربي
عجبنننننننننني تسلمين شموسة الورد واصلي..

تحيااتي..

[ليديا]

مبدعة مبدعة مبدعة حبيت كل بيت وكل شطر وكل كلمة وكل حرف وحبيت الي حبيتي حبيبتي انت

ماذا اقول لك اشعلتني شوقا له ..... الله يحميه ويرعاه يا رب

شعرك جميل جدا وجدا وجدا

[دُعےـــآء]

حبيبي العراق ...وماكو احلى منه
تسلمين حبيبتي شموسه ... وعاشت ايدج يامبدعه

[ياسمين البغدادي]

الله اشكد حلوو

[طوق الياسمين]

وهل على حبي يريدون الدليل
حياتي شمس الدرر تسلملنا ايدك ويسلملنا قلمك
على هالكلمات الخذت نورها منك

[ايليتا]

والله أحبكم شكراً لمروركم الراقي يااجمل ناس ببلادي من الألف الى الياءوشكر خاص يا امورات الدرر احبكن وشكراً لدعمي..رغم أني غيورة على حبيبي بس اقبل تشاركوني بحبه لان هو للكل معطاء ... احب كلشي بوطني .....والأجمل درر العراق الراقي اقدم اله الشكر لهذا المنتدى العظيم الي يجمع درر نادرة الوجود بدون مجامله او تزويق كلام ... نورتوني شكراً للتقييم ....( شمس العراق)اليوم

[مرتضى الطيب]

كلام غايه في الاروعه
عجبني فيها كل حرف كتبته اناملك
اختي الغاليه شمس دمتي لنا
ابداع متواصل ... من دون انكطاع
ويارب يدوم هذا الابداع وما ننحرم من عنده
وهل يكفي التقييم ... لا اعتقد ذلك

[اسرار بلا عنوان]

بدون اي تعليق تقييم وتثبيت
ماشاء الله تبارك الرحمن
كلج ابداع
ربي يوفقج واشوفج اديبة وشاعرة
تحيتي غاليتي