هنا

[ناصر اسماعيل الموزاني]

ياترف
ياريشة وَز
يا اترف من النرجس
يالماتفز
وانه اصرخ
ومره اندس
فزيت
من خطفة فراشه
فوگ خدك تهمس
عيونك نجمتين بسمه
وانه بسهر وبهندس
لا عيني شافت گمره
ولا صبح گلبك مشمس
ولا ناري تركت جمره
ولا بيك ردسه وتردس
ارماد سواني الهجر
من ديره لديره انتشر
بلچن الاگيك بدرب
ووياك اچلب بالهدب
ومن هدبك اوصل للگلب
وبرماد نيراني اتحس
يا ترف
يا ريشة وَز
يا اترف من النرجس
ونيت ونه ويَ الفجر
راح الحيل
ونَة ربابه اعله الهجر
نص الليل
ضنيت يحمل ونتي
جنح الريح
وتسمع الم جوه الضلع
بيك يصيح
يالماكو منك بالوصف
عنوانه
وردات بيضه اعله الزلف
خجلانه
والگذله چن رايه ترف
سكرانه
شرد اوصفك يمدلل
الورد منك يخجل
والشاف وجهك ما صبر
يا احلا من كل الصور
يالساكن بوجهك گمر
ومگابل بخدك شمش
الحرف
منك يعجز
والغني بوصفك مفلس
ياترف
يا ريشة وَز
يا اترف من النرجس



كلمات
ناصر اسماعيل الموزاني

[اسرار بلا عنوان]

الله الله ياشاعرنا
تقيمي لهذا الجمال
وكذلك التثبيت لمدة من الزمن
مودة كبيرة