هنا

[ناصر اسماعيل الموزاني]

بقلمي--لاتشتاك

-- لاتشتاگ --
لاتشتاگ
لاتشتاگ
يكلبي ليا درب
اتريد مني تروح
تظل وحشة غرب
بلياك تدري الروح
ردّت منك چذب
تحمل وياي اجروح
انه اجروحي تصب
وتدري الجروح اغماگ
وتدري الحب صعب
بالغربه عالمشتاگ
لاتشتاگ
------
مشه شهرك عكس
مالك اهلال يهل
ظل تحت الشمس
هيهات تلكه الظل
انسه احلام امس
چي لن نساك الخل
يالونّك هموم
وكلشي بيك ينوح
يالشوگك سموم
مغلغله بالروح
والسم لو تغلغل
يعجز الترياگ
لاتشتاگ
انه بروحي مذابح
من بعيد تصيح
تون ونة مراوح
من تهب الريح
لكن يا گلب
اتحمل واصبر
صح هو اليحب
مجبور من يذكر
ومجبورالنهر
من يمشي حد الراگ
ومجبور الفجر
بيد الشمس ينباگ
ومجبور الگمر
بمسامر العشاگ
لاتشتاگ
-----
خايف لو ضعت
انضيع انه وياك
خايف لو طحت
ما اگدر اتلگاك
بسك لاتون
خايف عليك اتطيح
خايف لا اجن
والناس جن تصيح
اخذ صبر السفن
لمن تهب الريح
والموج يتلاطم
عالي چنه اجبال
واشراع السواري
ما تكضه احبال
والبحر الوسيع
اعله السفن لو ضاگ
لاتشتاك

الورد طاحن اشفافه
وظل جسد منسل
واذا عاود تعافه
عطره مو الاول
وردك طاح
وتغير زمانك
وطيرك راح
ما يندل مكانك
تعال وياي
ظل وياي
يكفيك ياگلبي توّد
باچر مراكبنه ترد
تحمّل من المرسى ورد
وننسه الحزن والفراگ
لاتشتاگ
كلمات
ناصر اسماعيل الموزاني

[هدوء الكون]

كلمات جميلة شكراا لك

[اسرار بلا عنوان]

ابداع ياشاعرنا
احسنت كما كل مرة
دمت بيننا متالقا عظيما
لروحك الياسمين
تقييمي ان لم يخذلني
مع التحية