هنا

[a7la.bzona]

يسلمو غرور على الدعوة لهذي الجلسة الراقية احس كاعدين ودنسولف كلنا موبس بزونه الحلوة ... حبيت أبارك بالبدايه واكوللها يارب السعادة والحياة الي تتمنيها تكون كلها شفافية ورومانسية ويكون مثلك حساس ... سؤالين عندي واحد لالك واحد لخطيبك ؟شلون تلقيتو؟ وشنو الي جذبك اله ؟!!! وشنو الي جذبه الج!!! ؟ بس .... اذا ممكن !!!اريد استاذ حيدر يجلس شويه بمكانج ويجاوب والله أني ماعندي علم بي هيج اسالته تخوف اشوف التعليقات كلها خايفة من اسئلته هههه تحياتي.... شمس الدرر

حياتي شموسه الحلوه تسلمين حبيبتي ع الكلمات الجميله

_ احب اكول انو خطيبي اعرف قبل 6 سنوات جانت قصة حب بيناتنه والحمدلله راح تتوج بالزواج ان شاء الله
تعرفت عليه من كان عمري 16 سنه كان ويايه بالمدرسه بنفس الصف وبنفس الرحله وتعاركت ويا مره وخجلته كدام العراقيين لان احنه هذا الحجي جنه بمصر فهو حب ينتقم مني فألانتقام انكلب الى حب وعلاقه استمرت 6 سنوات...
الي جذبني اله بالبدايه شخصيته وبما انو جنت مراهقه فجذبني شكله كلش وجانوا اكثر البنات يردون يوصلوله بس وصلني قبل لتوصل اي بنيه هههههه

اسفه ع الاطاله وشكرا ع الاسئله الحلوه حياتي رجعتيني للماضي والذكريات الحلوه

[بقايا انسان حزين]

بزونه الورده اني اجتني رساله تكول شاركوني واني ما احب احرج واحد بس سؤال واحد عندي
وكلش سهل من هو اعز اصدقائج في درر العراق ان شاء الله يكون السؤال سهل

[ايليتا]

الله يعني مافيش محبه الا مابعد عداوة ههههه حيل حبيتها والله قصتك مليئة بالرومانسية والاحساس يارب يكون من يستأهل ان تضعين حمولك عليه وتستندين على ذراعه بدون ان يخجل بل يفتخر بحبك اله .... ياااارب حياة سعيدة ومني الج بوكي ورد احمر مليان بالاحساس والحب يا احلا بشبش

[a7la.bzona]

بزونه الورده اني اجتني رساله تكول شاركوني واني ما احب احرج واحد بس سؤال واحد عندي
وكلش سهل من هو اعز اصدقائج في درر العراق ان شاء الله يكون السؤال سهل

يا هلا بقايا منووور والله
صدك سؤال حلو وسهل...كل الاصدقاء هنا عزيزين على قلبي كلش كلش بس بصراحه اكثر شي هو البرنس حيدر

[محمد البصراوي]

اهلالا وسهلآ بزونة منورة الكرسي اسئلة كثيرة واجوبة حلوة وصريحة

لذالك بعد اني مااراح اسئل لان خاف نتعبك كثير هههه بس ممكن لي عودة

[a7la.bzona]

بش بش اني جيت كولي هلاووو بيك
يا هلا حيدوري منوور والف هلا بيك
طبعا اسئلتي حتكون مو اكثر من {3} اسئلة
والله فرحت وعبالي صدك بس 3 اسئله..بس بسيطه اني الك حيدر بالطلعه اني اعلمك

يا الله بسم الله الرحمن الرحيم
السؤال الاول (( الاسئله العامه ))

1_ما احلى يوم فى حياتكِ؟
_ يوم خطوبتي طبعا

2_من هو مثلك الاعلىِ؟
_امي

3_ما رايك فى الحب من اول نظره؟
_ليش هناك حب من اول نظره في رأيي الخاص


3ما هى نقطه ضعفكِ ومفتاح شخصيتكِ.؟
_الكلام الحلووو

4 _هل انتي محبوبه من الاخرين ؟
_اي الحمدلله ((هذا فضل من الله))
5_هل واثقه من نفسكِ ؟
_طبعا تمام الثقه

6 _شنو رأيج ف الثقة بالناس ممكن تثقي ف حد بسهولة؟؟
_نعم اثق بسهوله

7_هل تؤمني بالحسد؟؟
_نعم لانه مذكور في القرأن

8-لواحد غلط معكِ وطلب منك السماح تسامحي وتنسي خطئه لو متسامحي؟؟
_نعم اسامح ولكن احتاج لوقت كي اسامح


9-ما هى الحياه بالنسبه لكِ؟
_ورقة امتحان ويجب تحصيل علامات عاليه او النجاح من اجل تخطي جهنم ودخول الجنه

10_ما هو لونك المفضل؟
_الاسود

11_من اقرب صديق لكِ بحياتكِ الواقعية ؟
_مااعندي اصدقاء

12- احلى مكان تحبي وليش ؟؟
_غرفتي..لأن احب اكون ابوحدي

15_اللى باعك رخيص بيعه و من غير فلوس ...شنو رايكِ بهذي المقولة ؟
_لا ماابيع احد اني

14ا_كثر اسم بتحب الناس تناديكِ به؟
_بزونه

15_اين تجلسي الان ومع من؟
_بغرفتي وكاعده ابوحدي

" 14_الحب لا يأتي غير مره واحده " هل تعترفي بالمقولة ؟
_لا الحب موجود في جميع الاوقات ولكن الحب الاول مستحيل ينسي

15_كم حب حبيتي في حياتك وبصراحه هع؟
_حب واحد

16هل تستطيعي ان تعيشي بدون حب ؟ ولماذا ؟ " فى الحالتين بنعم او بلا؟ "
_لا مااكدر

17هل الانسان ممكن يحب اثنين فى وقت واحد ؟ ولو حصل بيكون حب فعلا وإلا ماذا نطلق عليه ؟
_اكيد لا...مااعرف

18_شنو اهم ميزه تحبيها تكون في اصدقائك ؟
_التضحيه

19_ شنواجمل حلم حلمتي؟
مااتذكر

20 _هل تجدي صعوبة ف اتخاذ القرار خصوصا اذا كان يخص قلبكِ؟
_نعم اجد صعوبه

21 _كيف تفرقي ما بين الحب والاعجاب ؟؟؟؟
_الحب مشاعر واحاسيس جميله ووفاء وتضحيه وتسامح ,,,الخ
اما الاعجاب فهو اعجاب فقط

22_هل تضعي خطوط حمراء بعلاقاتكِ مع الاخرين حتى مع حبيبك؟
_مع الاخرين نعم..مع حبيبي لا لاتوجد اي خطوط حمراء

23_لو قابلتي الحب الحقيقى {اللي هو خطيبك حاليآ هع } ونجاحه يتوقف ع تعطيل احلامكِ شنو تختارين بس ردي رد مقنع؟؟؟
_اكيد اختار نجاحه لأن ناجحه هو نجاحي...تعرضت لهذا الموقف من قبل ودست على مستقبلي لخاطره..((يستاهل))

24_لو بتحبي انسان جداااااااا والانسان خانك ممكن تسامحي ؟؟والى اى مدى ممكن تسامحين ؟؟ حتى لو كان خطيبكِ مثلآ عاااا
_راح اتأذه كلش وراح آخذ وقت طووووووووويل بس راح اسامح اذا جنت احب من صدك..وان شاء الله مااتعرض لهذا الموقف

25 _حبيبكِ بيمثلك شنو فى حياتكِ ؟؟
_كلشي حلو بالدنيا

26 _ما الحيوان الذى تفضيله ولييييييييش؟
_مااحب اي شي واخاف من كل الحيوانات..بس احب اتفرج ع العصافير

27 _ما رايكِ فى الشباب اليوم وبصراحة؟
الله يهديهم ولكن اكو هوايه زينين ((اصابعي مو سوه))

28 _ما الصفه الذى لا تعجبكِ فى نفسك؟
العناد...والعصبيه

29 _ما الاغنيه الذى تهديها للمنتدى؟
_كل اغاني كاظم الساهر..شنو هالسؤال حيدر بربك

30 _ما الموقف الذى اضحككِ وابكاكِ فى نفس الموقف؟
_يوم خطوبتي جنت فرحانه كلش واضحك..بس من خله الحلقه بأيدي بجييييت

31 _ما معنى هذه الكلمات بالنسبه لك
الحب؟ ...._طعم الحياة
العشق؟....._جنون
الكراهيه؟...._مرض
الصداقه؟...._اجمل مافي الحياة
الصراحه؟...._صدق الانسان
الايمان؟...._نور الوجه
الفضول؟...._تدخل المرء في مالا يعنيه
الانسانيه؟...._رقي الاخلاق
السفر؟...._متعه واستجمام
الصدفه؟...._قدر
الحريه؟...._انفتاح
السعاده؟...._مفتاح الحياة

31ماذا تفعلين فى هذين الموقفين؟
اذا احببتي ووجدتي انه لم يحبكِ؟...._احتقر نفسي
اذا احبكِ شخص وأنتي لم تحبيه؟...._تعرضت هوايه لهذا الموقف بس خوما كل شخص يحبني لازم احبه فبصراحه اطنش
32 _لمن تقولي
دعنا من الماضي ؟
_ماما وبابا
نسيانك صعب اكيد ؟
_خطيبي(سامر)
كن صديقى ؟
_ماما
بحبك ؟
_كل الناس
كذاب ؟
_؟؟؟؟؟؟
مع السلامه ؟
_الماضي
اذكرني ؟
_كل من رحل عني بسبب الظروف
توبه ؟
_الى الله
خايف ؟
_من المستقبل
كرهتك ؟
_الكذب
سامحتك ؟
_لكل من جرحني
زعلان منك ؟
_اخويه
نور عينى ؟
عبودي اخويه

33 _بش بش احب اعرف رأيج في كل مقولة من المقولات التاليه:

اووووووف حيدر تعبت

فى عالمنا المزدحم ...حتى بطاقات الحب تصل متأخرة ؟
_صح لكن نكدر نعوضها
شيئان يفسـدان الحب .. الصمت والاهمال ؟
_اكيد
تولد الغيرة مع الحب ، ولكنها لاتموت معه ؟
_صح
الحب كالرمل في يدك‏..‏ اذا اقفلت اصابعك عليه برفق بقي في بطن يدك‏,‏ وان ضغطت عليه هرب من اصابعك‏ ؟
_تقريبا صح
الحب يقضي على الكثير من الآلام لأنه أعظمها ؟
_لا
الذين أحبوا بقوة ، لم يحبوا من أول نظرة ؟
_لا لان الحب ينولد من النظره
الحب كالمعدة القوية يهضم أي طعام وأي كلام ؟
_مرات
الإخلاص في الحب ليس إلا كسلا في النظر إلى إنسان آخر ؟
_ماادري يجوز
الحب ليس أعمى ولكنه مصاب ببعد النظر فهو لا يدرك الأخطاء إلا عندما يبتعد ؟؟؟؟؟
_صح صح صح صح
بالقلب نحب .. وبالعقل نكره .. بالاثنين نصاب بالجنون ؟
_لا العقل ميكره...يعني بكل الاحوال احنه مصابين بالجنون
انما الدليل على الحب ، القدرة على احتمال الزوجين أحدهما الأخر؟
_اكيد
الحب أعمى
(أفلاطون)
_كلش
الحب للمرأة كالرحيق للزهرة
(تشارلز ثوب)
صح
ما الحب إلا جنون
(شكسبير)
_صحيح
العشق مرض ليس فيه أجر ولا عوض
(الإمام علي)
_سرطان والعياذ بالله
إذا أحبتك المرأة خافت عليك ، وإذا أحببتها خافت منك
(علي مراد)
الاولى صح..والثانيه لا
الحب يستأذن المرأة في أن يدخل قلبها ، وأما الرجل فإنه يقتحم قلبه دون استئذان ،
وهذه هي مصيبتنا
_صح
(برنارد شو)
إذا أحبت المرأة فعلت كثيراً ، وتكلمت قليلاً
(علي مراد)
_كلش صح
الحب دمعة وابتسامة
(جبران)
_اوووووووف اي والله
كلّما ازداد حبنا تضاعف خوفنا من الإساءة إلى من نحب
(جورج صاند)
_اكيد
الحب هو تاريخ المرأة وليس إلا حادثاً عابراً في حياة الرجل
(مدام دو ستايل)
_صح
الحب يدخل الرجل عبر العينين ، ويدخل المرأة عبر الأذنين
(مثل بولوني)
_صح
المرأة بلا محبة امرأة ميتة
(أفلاطون)
_مو ميته بس مريضه
الحب هو الدموع ، أن تبكي يعني أنك تحب
(سانت بوف)
_صحيح
وجد الحب لسعادة القليلين ، ولشقاء الكثيرين
(دولنكو)
_صح
الحب تجربة حية لا يعانيها إلا من يعيشها
( سيمون دى برافو )
_اكيد
الحب جزء من وجود الرجل ، ولكنه وجود المرأة بأكمله
( بيرون )
_نعم وبقوة
مأساة الحب تتلخص في أن الرجل يريد أن يكون أول من يدخل قلب المرأة .
و المرأة تريد أن تكون آخر من يدخل قلب الرجل
( بيرون )
_صح كلش
خير لنا أن نحب فنخفق ، من أن لا نحب أبداً
(تشيسون)
_لا منحب احسن
هسة كافي اقوال مو لو مومو جاوبي على باقي الاسئلة يلا هع ..
_هاي مين جايبلي هاي الاسئله دمرت حياتي

34 _هل يختلف معنى الحب عبر العصور؟
_لا الحب هو الحب في مختلف العصور
35 _ما هو تأثير العمر على معنى الحب في المراحل التالية ( مراهقة , شباب , بعد الأربعين )
_كل مرحله والها طابعها الخاص...بس الحب العقلاني يكون بمرحلة الشباب
36 _فرق العمر بين الطرفين هل يؤثر على علاقة الحب؟
_نعم يؤثر
37 _أيهما أنجح ,الزواج عن طريق الأهل أو عن معرفة سابقة؟
_من وجهة نظري عن معرفه سابقة
38 _هل يمكن أن يكره الأنسان الشخص بعد أن أحبه؟
_نعم اذا ينجرح من هذا الشخص
39 _هل للمادة دور رئيسي في استمرار الحب؟
_في بعض الاحيان
40 _نجاح الحب مستحيل أم ممكن , و كم نسبة نجاحه؟
_ممكن ولكن بنسبة قليله...30%
41 _هل يمكن أن يستمر الحب في حال تغير الطرف الآخر من نواحي :
أ- عاطفية ب- غير عاطفية..._شنو يعني مفتهمت
42 _أيمكن للحب ان يغير مجرى حياتك؟
_اكيييييييييييد
43 _البعد أيخفف المشاعر أم يلهب الأشواق؟
_يلهب الاشواق
44- هل يتغير الحب بعد الزواج؟
_مااعرف
45 _بوجود الحب أيشترط وجود السعادة؟
_ظروري تكون السعاده موجوده
46 _هل الغيرة ضرورية في الحب و ما دورها ؟ سلبي أم ايجابي؟
_ضروريه جدا..اذا زادت عن حدها حتكون سلبيه
47- أيهما أخلص الشاب أم الشابه وليش؟
_كل واحد وطبيعته وشخصيته وحبه للطرف الاخر مابيها بنات وولد الشغله
48 _هل الحب عبر الأنترنت و غرف الدردشة ممكن؟
_يجوز ماادري.
49 _كيف تفرحي ؟
_عندما اقوم بعمل يرضي الله ويسعد الجميع
50 _كيف تحزني ؟
_عندما اجرح شخص لم اقصد جرحه
51_ الحب عذاب هل هذا القول صحيح بأعتقادكِ ؟
_صحيح جدا
52 _ شكد مجموعك فى بالاعداية هع ؟
_89
53_ترتيبك بين اخوتك؟
الكبيره
54 _شنو اكثر شىء يفرحك؟
_هذا سؤال مكرر
55_ شنواكثر شىء يحزنك؟
_هاي شنو مو جاوبت على هاي الاسئله
56 _هوايتك للنت بسبب الفراغ ولا بحث عن الذات ؟
_الاثنين معا
57_اكثر اكله بتحبيها؟
_السمك المسكوف
58_نفسك يكون عندك كم طفل؟ ادري حتكولين 3 وكولهن بنات اريد غير هذا الجواب هع
_هههههههههه تعرف الجواب بعد شكو.... ماعندي غير جواب
60_احب الاسماء لديك ؟
سامر وبس ...مو عبالكم عمووو سمسم المدير تره خطيبي اسمه سامر والله
61 _امنيه تمنيتيها ولم تتحقق؟
_هوايه شغلات
62_شنو الشىء اللذي للوقت الحالي ندمتي عليه؟ اتوقع معرفتج بية عااا
_ههههههههههه يجوز ...والله حيدر ميحضرني شي هسه
63 _هل تعتقدي أن الأصحاب ممكن أن يتركوا بعض بسبب تافه؟ لو ما كانوا اصحاب حقيقين من البدايه ؟
_لا مو شرط
64 _ فى حب فى هذاالزمن ولا خلاص انتهى ؟؟
_لا اكيد موجود الحب
65 _في رأيكِ الشخصي لماذا أصبحت بعض الناس متوحشه؟
_يمكن كثرة الحروب
66_شنو نفسكِ تكوني لتكولين صيدلانية اريد غير هذا هع ؟؟
_ اعلاميه....باوع مكلت صيدلانيه
67_شنو حالتج النفسية الأن ؟؟
_من وراك
68_انتي بتنزل دموعك بسرعة ولا لأ ؟؟
_كلش كلش بسرعة البرق اصلا
69_شنو الى ممكن ينزل دمعكِ؟؟
_كلشي ممكن ينزل دمعتي
70_تحبي كره القدم وهل انتي متابع جيد للرياضه بشكل عام ؟؟
_لا بس من اكو لعبه مهمه للعراق اباوعها
71ماذا يعني لك اسمج المستعار ؟؟
_كلشي وكلاشي احبه كلش
72_لو تتكلمي عن شخص معين من هو وماذا تقول له ؟؟
_سامر(خطيبي) واكوله مشتاقتلك كلش وان شاء الله تكوم بالسلامه
73_انتي- واقعيه- ولا خياليه -ولا رومانسيه- ولا خياليه رومانسيه- ولا واقعيه رومانسيه-؟
_واقعيه رومانسيه
74_كيف تعيشين حياتكِ؟
_حالي حال العالم
75_وهل انتي سعيده بها؟
_حاليا نعم والحمدلله
76_ما معنى الاستقرار النفسى بالنسبه لكِ؟
_اهم شي
77_ شنوهواياتكِ؟
_النت...السباحه...الشوبينك((ا� �تسوق))
78_لو شاب اول مرة تشوفي وكلج انا معجب كيف تتصرفين ؟
_عادي متعرضه لهذا المواقف هوايه....اسفه مرتبطه هذا جوابي
79_كم ساعه تقضيها على النت باليوم؟
_هوايه يعني مو اقل من 6 ساعات
80_شنو هى الخيانه من وجهه نظرك وكيف تواجهيها؟
_الغدر والكذب...مااعرف لان ممتعرضه لهذا الموقف
81 _عرفي الحب فى كلمتين؟
_احلى احساس
82_هل الحياه تستاهل اننا نحزن عليهاا؟
_اكيد اذا فقدت شي عزيز عليك
83_اكثرشي بتحبي فى الشاب داخليا وخارجيا هع؟
_الصدق..المضهر اللائق البسيط
84_متى حسيت انكِ مغروره؟
_هههههههههه شنو هالسؤال ...اني حبابه
85_وما هو الغرور بالنسبه لكِ؟
_ثقه زايده بالنفس
85_تكدرين تحب انسان ميحبكِ ؟
_يجوز ماادري
86_يقال الحب تضحيه ما هي التضحيه التي ضحيتها حتى حبك يعيش؟
_اووووووو هوايه هوايه والله
87 _لو خيروك بين والدكِ ووالدتكِ وخطيبكِ من ستختارين وليييييييييييش ؟
اختارهم كلهم لان مااكدر بدونهم
88_وظيفه نفسكِ تشتغليها ؟؟
_الصحافه والاعلام
89_هل ترين ان الحب ضعف؟
_اي
90 _شنواكثر موقف محرج وقعت فيه؟
_مااتذكر
91_شنو معنى الصداقه بالنسبه لكِ؟
_استمرار الحياة
92_هل انتي راضيه عن نفسكِ ؟
_لا
93- إذا حصل فجأة وربحتي مليون دولار شتسوووي
_اطلعك للهند تكمل ماجستير هههههه
94_شنو رايكِ في دقات القلب؟
_نبض الحياة
95_هل هزمك حزنك يوما من الايام؟
_اي
96_ماهو الشي الذي غير مجرى حياتكِ؟
_هوايه شغلات
97 _ماهو الشي الذي تريد تغييره في نفسكِ ؟
_الطيبة الزايده والغيره المفرطه
98_ما السؤال الذى توقعتيه ولم تجديه؟؟
_ماكو شي لأن انت ممقصر ابد
99_بيش تفكرين هسه ؟
_دفكر شلون اذا راحت هاي الاجوبه كلها ...مستحيل ارجع اكتبها من جديد
100_هل انتي عصبيه ؟
_موووووووت حد الجنون


اووووووووووف خلصت السؤال الاول...... شجاني وكعدت على الكرسي...الكتله بيج غرور
اويلي حيدر تكسرت وعيوني تدمرت

[a7la.bzona]

عفيه والله اني كتبت الردود كلها لل100 مالت السؤال الاول وشفتها طالعه كلها ..اشو يمي هسه بس لل77 طالع ليشششششششششششششش

[a7la.bzona]

يلا هسه نجي ع السؤال الثاني

هسة خلصنا من السؤال الاول وهذا السؤال الثاني هع
شدعي عليك حيدر

عندي اسئله خاصه بالمنتدى وهي
(( اسأله هنا بالمنتدى ؟؟ ))
101_شنو رأيك في الستايل ؟
_امممممممممممم لا بأس بس اذا يسوي سمسم وردي وجويتي احلى

102_منو العضو الي تحبي مووت وله مكانه خاصه بقلبكِ بس لتكلي كل الاعضاء اريد واحد بس ؟
_انت حيدور

103_ما هو رأيك ببرنس حيدر فوووديت نفسي انا هع
_بعد هاي الاسئله لا اعرفك ولا تعرفني

104_شنو حلمك في المنتدى؟
_آخذ المركز الاول بالمتفوقين ..بس طول ماشاكر وانت ورايه مراح اكدر اوصل

105_منو العضو الي تتمنى عدم اختفائة من المنتدى ؟
_البرنس حيييدر وهوايه اعضاء

106_عضو تعرفه بصداقه او قرابه؟
_اممممممممممم ماكو

107_عضو تعجبك ردوده؟
_هوايه اشخاص هنا تعجبني ردودهم


108_هناك رحله حول العالم خذي معكِ ثلاث اعضاء فقط من هم ؟
_لا مو مال 3 تعذرني ..هذا السؤال ترك

107_مين بين الاعضاء لفت نظركِ؟
_الحالمه

108_منو اكثر واحد بتحسي انو غامض جدا فى المنتدى اريد ولد وبنت ؟
_ليجند..هاوس


همزين الاسئله جانت قصيره وسهله هالمره
الحمدلله

[a7la.bzona]

السؤال الثالث يا الله راح اكمل

هسة السؤال الثالث (( الاسئله الدينيه ))
109_أي من القراء تحبين تستمعيلة { تلاوة القران} ؟
_العفاسي

110_بماذا تدعى الله عند البلاء؟
_لا اله الا انت سبحانك اني كنت من الضالمين

111_ما رأيك فى الحجاب - النقاب؟
_ سوري اعفيني من هذا السؤال...وبالمناسبه اني صارلي اسبوع من تحجبت ..حجبني خطيبي

112 _ماذا فعلتي لربكِ ولرسولكِ ولدينكِ ولاخرتكِ؟
_للأسف لم افعل شي

113_هل تصلى الفجر يوميا؟
_نعم الحمدلله..لأن يوميه سهرانه اني فأكيد اكوم اصلي...بس بصراحه اذا نايمه مااكعد

114_هل انتي مستعده للموت؟ ان شاء الله العمر كولة ههههه
_لا ابداً

115_ماذا فعلتي لعذاب القبر؟
_ مااعرف سويت هوايه بحياتي بس اكيد هذا كله مو كافي حتى ارضي ربي

116_ الله عليج تعبتج الاسئله مو لو مومو هع
والله حيدر هلكككككككككككككت وعيوني موتتني

117_ انتي وخطيبج طالعين سفره سياحيه وصادفكم اسد ونمر الاسد ركض عليج
والنمر على حبيبج وانتي عندج سلاح وبي طلقه وحده
شتسوين بهاي الحاله ؟ هههههه
اضرب خطيبي طلقه حتى موته يكون اسهل وميتعذب من ياكله النمر....ولك شنو هالسؤاااااااااااااااااااا ااااااااااال

خلصت اسئلتي نرجعلج بالدور الثاني عااااا

يبوووووووووووووووو خلصت واخيرا حيدر ديربالك ترجع بعد
عفيه خلي احد يسوويله حظر شي لحد مااكوم من الكرسي

عموما يسلمووووووووووو حيدر جانت اسئله متعبه بس حلوه...شؤؤؤؤؤؤؤكرا شؤؤؤؤؤؤكرا يا حلو

[آدم..]

بالتوفيق اختي في قادم الايام..