بقلمي-ما اريدك حلم
بقلمي=ما اريدك حلم ----==ما اريدك حلم ==
ما اريدك حلم
مابيه تفسير
ولا اريدك رسم
من غير تعبير
يا الرسمك عدم
واحلامك اوهام
وسنينك وهم
ما بيها ايام
تحملتك صبر
ما ينحمل - قاسي
وخلصت العمر
تلعب على احساسي
مثل لعب الچفافي
بخفة الساحر
مثل جمر القوافي
بصنطة الشاعر
ما اريدك نظم
مابيه تصاوير
ماريدك حلم====
مابيه تفسير
ماريدك جبل
بالعاصفه تميل
ولا اريدك بطل
بافلام تمثيل
اريدنك وفي
وبكل عمل جدي
اريدنك شفي
لجروحي التدي
انه ادري الهّوه
ميفرط بحلمه
وانه ادري الضوه
ميموت بالعتمه
يكفيك اللعب
تلعب على اجروحي
تعال نمد درب
من روحك الروحي
ماريدك جسم
بلا روح ميصير
ما اريدك رسم
ما بيه تعابير
ما اريدك حلم==
مابيه تفسير
ما اريدك درب
ما بيه نهايات
ولا اريدك گلب
ينسه البدايات
اريدنك زند
يحضني بحلمه
اريدنك ورد
ويفوح بالنسمه
اريدنك شهد
مو حنضل بطعمه
اريدنك فجر
للغبشه مسافر
اريدنك گمر
مو كوكب وعابر
ولا اريدك نجم
بالغيمه مهاجر
ولا كوكب بعيد
بعيني زغير
ما اريدك حلم ==
مابيه تفسير
كلمات
ناصر اسماعيل الموزاني
رد مع اقتباس
