صدك محتاج احب
مــو عـلى احـساب العــيــن
الي بعيوني حق الطيف واتمنه
مو كل ساعه اطيح منها دمعه وناس
سره والمايطيح بعيني ادفننه
النجف وعيوني صارن بالكبور اخوان
رمشي اسود وكمت اچفان اخيطنه
والف سچه ومحطه من اهز جفني اطيح
دربهن عالهجر ما وحده تتعنه
وانه محتاج حلمي ايصير واقع حال
وامنيتي بقت وياي تتمنه
الي يحس روحه گدها وحافظ النجمات
ويعرف ونــة العشاك تتغنه
خل ايعوف كلشي ايجيب گلبه وياه
اكاسر بي عمر ما اريد شي منه
وحضنه ايفتحه الي لو حتى ما مشتاگ
مو بس بالموادع حصتي احضننه
ومو مثل الگبل مر جنحه مابي ريش
غشيم وقانع الغربان خاونه
خذت بيده ورحت للشجره فاعل خير
ردت بالحب شملهم عود المنه
وبقت تاكل بروحي ضنوني مو بالراس
وين الگه اليوافي ويكطع الضنه
شني ذنبي الاحبه بجيته احسه ايروح
وما الحك اشوفن لمعه من سنه
واخذ كلبي قراره وبي يعيل الشوك
وارد ترتيب احط للجاي يتعنه
اليحبني اسمحله يحجي اعله الورد والياس
بس ما اريده يذكر ريحة الحنه
التنحط عالجوامع نذر للغياب
تخلق فرگه اذا چف بيها يتحنه
الفلح تزرع وتتعب والحصاد ايصير
لحلوگ المناجل بيه تتهنه
وانه بلا راي وضنون الطريق اهواي
وعلى ميهن اجدامي العقل مشنه
رد مع اقتباس
المشاركة الأصلية كتبت بواسطة اسرار بلا عنوان
