هنا

[warda]

اولا هنعمل وجبه غذائيه متكامله ف صنيه واحده


ليه بقول كده علشان فيها

1 فيتامينات الخضار فى ( البصل الطماطم الكوسه الثوم )

2 النشويات فى البطاطس

3 البروتين فى اللحمه المفرومه

3 فيتمينات وفوائد القمح فى الفريك

هى عباره عن صنيه بطاطس مع الكوسه مع كفته الفريك
اولا هنبتدى بكفته الفريك
انا عملت الكفته فى البيت ماعملتهاش عند الراجل

المقادير

2 كوب من الفريك المنقوع


1/4 كيلو لحمه مفرومه

بصله صغيره

فلفله خضراء (رومى او حار حسب الذوق)

2 فص ثوم

ملح وفلفل (انا حطيط عليها خلطه الكفته ودى اختيارى)

اولا هتنقعى البرغل( بعد الغسل طبعا ) لحد اما يطرى

وبعدين تحطى المقادير كلها فى الكبه وتضربيهم لحد ماتنعم ومش لازم البرغل ينعم اوى

وبعدين وتشكليها دواير مش كبيره علشان بيكبر لما يستوى وسط يعنى

وبعدين تقليها فى الزيت

وتطلعيها ع المناديل عشان تشرب الزيت

ثانيا البطاطس والكوسه

هاتى اربع بططساط وسط وقشريهم وقطعيهم على شكل نص دايره

والكوسه هاتى خمس كوسات وسط وقشريها وقطعيها دواير

وبعدين نعمل الصلصه

تجيبى 2 بصله وسط وتحمريهم وبعدين نحط عليها الطماطم المضروبه فى الخلاط(صلصله البصل العاديه للطبيخ) وتسبيها تغلى شويه (وممكن تحطى كيس صلصه زى ماانا عملت علشان لونها يتقل) وبعدين تنقليها لصنيه وتحطى الاول البطاطس وبعدين الكوسه علشان ماتتهريش وبعدين الكفته علشان ماتتهريش برده

وتحطى ملح فلفل حسب الذوق ومعلقه سك صغيره وسيبها تغلى وبعدين هدى النار وسيبيها لحد ماتستوى هتتختبرى الكفته هتلاقى الفريك استوى والبطاطس لحد ما تتطرى

ممكن يتعمل معاها ارز ابيض
ودى صورتها يارب تنول اعجابكم

(اللحمه المشويه اللى ف الصنيه)
بصوا بقى يافتاتيك دى انا اخترعتها من نفسى اكيد فى كتير بيعملوا الطريقه دى بصوا بقى دى لحمه مشويه بس فى الصنيه
جبت البوفتيك وقطعته صوابع رفيعه وحطيط عيه بصل مفروم وملح وفلفل وزعتر كتير علشان المشويات بتحب الزعتر وخل

وبعدين قطعت فلفل رومى صوابع وطماطم وبصل صوابع وتبلتهم بالملح والفلفل وبعدين حطيطهم ع اللحمه فىالصنيه وقلبتهم وحطيتهم فى الشوايه بتاعه المايكروويف ولو هتعمليها فى شوايه البوتجاز هتبقى احلى لان النار بتاعتها عاليه بس انابستسهل والله العظيم طعمها تحفه ولا ريحتهالا تقاوم ومن غير نقطه زيت ولا سمنه

دى صورتها قبل ما تستوى

دى صورتها بعد ما استوت

ممكن تعملى معاها مكرونه اسباجتى

انا قدمت معاها مكرونه اسباجتى مع شرايح الطماطم والخيار المتبله بالملح والكمون والخل

ودى صورتها فى طبق التقديم

ثالثا الحلو

كيكه النيسكافيه

المقادير

3 بيضات (مش مصدقانى) والله عملتها ب 3 بيضات وطلعت اسفنجيه وهاشه ولذيذه

2 كوب دقيق

كوب ماء

كوب الا ربع زيت ذره

كيس فانيليا

كيس بيكنج بودر

كوب سكر

معلقه كبيره ممسوحه نيسكافيه

ثانيا الطريقه طبعا زى اى طريقه واللى ماتعرفش

1 نضرب البيض مع الفانيليا

2 حطى الزيت بالتدريج مع الضرب

3 حطى السكر مع الضرب

4 حطى الماء

5 حطى الدقيق بالتدريج مع الضرب مع البيكنج بودر

6 معلقه النيسكافيه مع الضرب الجيد

(وطبعا يابنات قبل مانبتدى هنفتح الفرن)

وبعدين حطيها ف صنيه متوسطه وادهنيها بنقاط قليله من الزيت

وحطيها فى الفرن وماتفتاحيش عليها قبل تلت ساعه

ملحوظه علشان تطلعى الكيكه مظبوطه استعملى كوبايه واحده فى كل المكونات يعنى كوبايه السكر هو اللى تجيبى بيها

دى صورتها بعد ماخلصت

ودى صوره الاسفنجه بتاعتها ( وب 3 بيضات بس)

مصريات

[ابن بغـ ـداد]

جعت
عاشت الايــــــــــــــادي

[ايليا]

راح اعملة ياربي تجي وياي
حلوة

[warda]

جعت
عاشت الايــــــــــــــادي

انت العايش عيني

[warda]

راح اعملة ياربي تجي وياي
حلوة

انشالله تجي وياك ههههه
شكرا لمرورك عزيزي