هنا

[كبريائي قاهرهم]

عطشان الفرح رايد حزن يروي
ورايدله لعبة دمع وبحضني ألوليله
ينشدني القهر شلونه الحزن وياك
الله يثخن لبنكم بحرگه أدعيله
ضحكتي فراشة اعله الضوة من تروح
ما تعرف بي تحترك تبقه تمشيله
انه جرحي طفل كبرته يا محلاه
اتعلم اعله الدمع وحسرات اغنيله
اوف الما تعجبه ما تنومه الليل
لازم تون الروح و موال تبجيله
انه جرحي تعلم عالطعنه والآه
آهاتي هسه گضن و منين اجديله
رغم هذا الحصل ما گلت محتاج
أطعن بروحي گمت و آهات اسويله
موصعبة اليعوز جروح يگول معتاز
لكن صعبة گطرة البگصة من تنزاح
حبيب الّي يبيعك نگول مو وفاي
وبكل سهولة يصير شامت ومرتاح
من بعد ذاك الدلال البي تغنيت
تصبح هيكل انسان بروح أشباح
تشوفه ويشوفك يزيد الألم بالروح
الذكرى تهيج جروح و يتعالى الاصياح
لجن علمنه العشك ما يبقه ثابت حال
وعالورد تطلع شمس ويغرد المصباح

وعالورد تطلع شمس ويغرد المصباح


تحياتي العطرة بالياسمين والجوري
لروعة شخوصكم
راجيا ان تنال كلماتي رقي ذوقكم

[طوق الياسمين]

تسلم كبرياء
كلمات روعه يامبدع
اهلا بعودتك

[ahmed77]

شكرا

[كبريائي قاهرهم]

شكرا لجميل تواجدكم
لا حرمنا روعتكم
خالص ودي وتقديري

[دمعة يتم]

وعالورد تطلع شمس ويغرد المصباح

وعالورد تطلع شمس ويغرد المصباح
أحسنَت كوُبْرِيّتُو

[اسرار بلا عنوان]

شاعر حزن مختص بالهموم
ومن هاي الهموم محصل الصيت
اعجبك من اريد اتناول الموت
اخلي المفرده تنكط توابيت
وخلي البيت نفسه ايهزه معناه
يشك زيجه اعله روحه ويلطم البيت
يسجدلي الدمع من احجي عل ضيم
وتصفكلي الجكاير والبواكيت

للمبدع ابراهيم الخزرجي

احسنت كبريائي
كلماتك راقية وقمة الجمال
أسعدني تواجدي هنا
وللحزن اناقة لا تنتهي
ينقل للقسم الشعبي
مع التقييم والتثبيت
كل الود

[warda]

جميل ما نثرت ايها الكبرياء

وعالورد تطلع شمس ويغرد المصباح



شكرا لك عزيزي

[كبريائي قاهرهم]

خالص ودي وعطر وردي
لربيع تواجدكم الذي
اسعدني واضاف الروعة والجمال
لحروفي بتواجدكم النير
لا حرمناكم
كونو بخير احبتي
تحياتي العطرة

[هدوء الكون]

آهاتي هسه گضن و منين اجديله
رغم هذا الحصل ما گلت محتاج
أطعن بروحي گمت و آهات اسويله
موصعبة اليعوز جروح يگول معتاز

جميل جداا اجدت اخي كبرياء قلم جميل
تحياتي..

[كبريائي قاهرهم]

الغالية الاخت
هدوء الكون
شاكر لكِ جميل تواجدكِ الذي انار متصفحي
بروعة بريقه الوهاج
خالص الود واعبق التحايا المعطرة بالياسمين