ماجيتك امس مادبّرت تابوت
الهدم هذا العلي بالكوه دبرته
جنك مغربيه بكل وكت ويايّ...
اتلكاني برمح بس وجهي مادرته
زفه وفاتحه يتراون بملكاك
العمر بثنينهن وياك ضيعته
امس ما شابكتني هدومي متعوبات..
عكسك واليحبني ظلوعي شابكته
البساتين شكبرهه وتكشخ بعصفور..
عله المظهر ابنادم غلط لو قسته
فرق ماينوصف دنيتك عن دنياي ...
فرق دمعة غريب بليل عالنكته
اصبّح عالسواتر وانته عالقداح ...
عمرك كله عيد وعمري ماشفته.
بحزن البيه دور توصل العاشور .
.ممتد والسنين بروحي جامعته
حشاك امن العشك مو بيك بيه الصوج..
اشترجيت وجفن الغراب كحلته
قفص عايش بروحك واني كلي جناح
سمه ضنيت بيك وضني خيبته
طحت كتلي وطحت كلبي اعله كلبك جان
وحرام ان جان كبلك جفني غمضته
من كد السهر جلّب براسي الليل..
وسحكت اعله النجم والكمر شككته
وادبرلك عذر بس انته مامعذور
بفراكك تريد من الكلب ذلته
انه تفكت حرب واتنفس البارود
الهوه من صار بيدك ماتنفسته
يحب الله الستر ماسولفت للناس..
سرك وانته يم شمات سولفته
وماكفاني سرك من دفنته ابير
رديت وعبايه البير لبّسته
المايعرف يحب عالعشك مامجبور
ليش ايوازي روحه مبينه سالفته
مما راق لي واعجبني
رد مع اقتباس