اه يا چلمــــه الباچر .............مرثيه وطن
اه يا وطنّه..!!
صار عدنه الموت عاده
يمرنه كل ليل وصبح
وصار عدنه الجرح يكبر
كل جرح خلف جرح
صرنه ويه السلم عركه
ويالحرب صار الصلح
يا جرحنه ..يااا جرحنه
ألما قبل لحظه يطيب
أه يكَلبي
حتى كَلبي ..مثلي صاير
شفته صافن..كَتله شنهي..؟؟
كَالي.. بهالوطن حاير
شفته يصرخ...كَتله شنهي ؟؟؟
كَال كَمت أحسب الموته
وتدري كَال شكَد لكَيت..
أبكثرما ماتت ضماير!!
أه يكَلبي.. مثلي صاير
مثلي صاير..!
بالجسد ساكن غريب
وانه عايشلي بوطن
كلشي احسنّه غريب
شفت سجاده..ميته
و شفت جامع منذبح
وشفت يتكسر صليب
وكلشي احسنه غريب
ليش كلي يا وطنّه
حتى صار النخل مطلوب النفَس
حتى صار التمر..رايدله حرس
وأجه صوت من النخل بذني همس
ما عرفت شيحجي.. لكن
شفته يبجي
شفته ينحب
شفته ينزع ..كل سعف عنده..
وصاح ..كلي..بعالي صوته
راح أسافر..راح أروح
والله لو تدري شكثر بيه الجروح
يا وطنّه
ادري بيك
مليت من طعن الخناجر
مليت من حزن السواتر
مليت من طاري المكابر
و اه يا چلمه الباچر
اه يا چلمه الباچر....!!
كَمنه من يغرك وطنّه
بدم ركبنّه..
نرجع ونحلم أباجر
بالدمع..ننتظر باجر
وصار أملنّه.......كل أملنّه
باجر يجيب الأمان
وباجر يجيب الفرج
وباجر يجيب الحبيب البي حلمنه
أه يا غربة وطنّه
صار كل بيت بوطنه
أعله الحسد...راسم يتيم
وكمنه ما نسمع هلاهل
الفرح صار ..شكد قديم
وصار كل صوت بصدرنه
أعله الضحك.. يقره السلام
وصار حتى الطفل عدنه
راسم أباله؛؛حلم.... اسمه النطاق
وماكو شي اسمه الحمام
واه يا طير الحمام
أه يا طير الحمام..اللي تهاجر
رد مع اقتباس
المشاركة الأصلية كتبت بواسطة جلنار الموسوي
