ماكلف الشمع يحركلي خيط بليل
ولا كلف الشموع تعاشر الحركه
البروحه شمس عيب الشمع ينطيه
البروحه شمس ماينوخذ حكه
حطوني بقفص ماسدوا اذن الناس_
وشيسولف البلبل من يفك حلكه_
قست روحي وعرفت شكد جنت مغبون_
جمعونة بزبيل الزهدي والبلكه_
التواضع مو ضعف جيب اليفسر هاي_
اليميز الغصن عن الخشب وركه_
وموشرط اليبوس الوردة ترف ايصير_
الجفوف البيها نطعن بيها نتلكة_
اخاف علة الهوى البين الجفوف يصير_
لهذا تعمدت ماشجع الصفكه
الشعر غنوة بلابل مو ركض مضمار
شعلي بفلان يركض ادري مالحكه
انه من انكل جدم حاسب حساب الدود
امشي اعله الهوى لاخطوتي تسحكه
الماصافح شمس حريته بيها اشكال
الريه الحاقده عله الهيل مختنكه
ماهم للسوالف بس احس مطعون
والمطعون خنجر توجعه الشهكه
البيه كضة زلم معروف من ملكاه
النظيف تفرزنه من حرورة الملكه
الثكل كدامي وجه بروحه خفه يجوز
الضباع شما تشيل بروسها مدنكه
رد مع اقتباس
المشاركة الأصلية كتبت بواسطة ناصر اسماعيل الموزاني
هههههه