هنا

[Daleen]

السلام عليكم

الفاير فوكس كل خمس دقايق يرست وما جاي اعرف السبب... حذفت كلشي
ونفس الشي ... حذفتة ونصبتة من جديد ونفس الشي
اريد حلا

[ملك الطيب]

ولله ما اعرف شنو السبب بس اني عندي يشتغل زين ..خاف الخط ضعيف ويفصل

[Samer]

اني صارت عندي المشكلة قبل جم يوم .. و ما عرفت احلها ..بس وكفت كل الاضافات مال الفايرفوكس (سويتلها تعطيل) .. و راحت ..يعني المشكلة بالاضافات

إذا تكولين .. اني حذفت و نصبت من جديد .. يعني كل الاضافات طبعا راحت .. بس عندج اكو اضافات تتنصب تلقائيا (مثل الانترنيت داونلود منجر) و الـ (ريل بلير) و الـ (جافا ممكن) و الـ (اووفس 2007) و الـ كوكل .. إلخ

بالنسبة للانترنيت داونلود منجر تكدرين توكفيه من نفس البرنامج (Dowanloads بعدين options ) و تشيلين الـ (صح) كدام الفايرفوكس

بالنسبة للبقية .. تكدرين توكفيهن من نفس الفايروفكس (أدوات ----> الاضافات) و تروحي على الـ Plugins و الـ Extensions و توكفيهن اول شي كلهن .. و ترستين الحاسبة .. إذا شفتي الامور طبيعية .. ترجعين (اللي تحتاجيه) وحدة وحدة .. علمود تعرفين يا هي اللي تسبب المشكلة

تحياتي

[Daleen]

طبعا اني حذفت ورجعت نصبت ... وهي بقت نفس المشكلة
بس هسه سويت كل الخطوات مثل ما كلت سامر ورجعت بس الداونلود منجر ... وانتظر النتائج
بكل الاحوال ارجع لهذا الموضوع ... شكرا الك ابو مينا

[EvAnEsCeNcE]

اني هم نفس الشي من زمان بس الحالة مو مستمرة يعني مرات

[Samer]

اني هم نفس الشي من زمان بس الحالة مو مستمرة يعني مرات

لا .. إ ذا مرات ما بيها شي .. هاي افلاونزا تروح و تجي .. بس شربيها عصير ليمون يومية و هي تصير زينة خخخخ

[EvAnEsCeNcE]

شكرا الك

[Daleen]

تدري سامر يمكن الريل بلير يسبب هذه الحالة ... الوحيد الي مرجعتة من البارحة لليوم متكررت عندي
شكراا

[نـــائل]

سوي سيستم ريستور لما قبل المشكلة


خخخ


ولو متأخر

بس شسوي هسة يللة لحكت

[Daleen]

يمعود اني البارحة فرمتت .. ونصبت كلشي من جديد وصدمني الفاير فوكس
هسه احسن .. بس لا احسدة عيني باردة علية هههههههههههه
شكراا نائل