القيمه النجفية على طريقة بطوشالمحتويات
حمص, لحم وليه , بصل,معجون طماطة, نومي بصرة, كمون, هيل , دارسين .
المقادير
لكل كيلو حمص كيلو لحم وربع ليه وقوطية معجون وراسين بصل.
طريقة التحضير
اولا: احمس البصل.
ثانيا: وبعد حمس وتحمير البصل احمس اللحم واليه حتى يروح الزفر مالتة.
ثالثا: نحط مي بالجدرية الى حد تتغطة اللحم يعني نكوم منشوف اللحم بس هيج
شوية, وبعدين نغطي الجدرية بحيث ميطلع البخار.
رابعا: ورة ميستوي اللحم نحط الحمص ونخليه يستوي كلش كلش, همين نغطيه علمود يستوي.
خامسا: نجيب اكو اختراع اسمة طخماخ ونكوم نهرس باللحم والحمص.
سادسا: نحط معجون الطماطة ونرش شوية ملح.
سابعا: هاي طبعا احنة نظل ندرخ بالجدر حتى ليحكك نحط نومي بصرة وكلش شوية هيل وشوية كمون ودارسين.
ثامنا: نعوفهة على نار هادئة لمدة نص ساعة وراهة صبوهة
والف عافيه
رد مع اقتباس
المشاركة الأصلية كتبت بواسطة Suzana
