هنا

[الشاعر علي البدري]

كل عام وامتنا الاسلامية بالف الف خير بمناسبة الولادة الميمونة

اجةألعيد اجة العيد أشألبس آنة الة اجديد##
أنادي واهتف أبصوت غير أحبابي مااريد
ألأهل بيت ألنبي شوكي وحنيني##
وبحبهم أحس متكحلة عيني
للدوم للدوم حبي ألهم أيزيد
&&&&&&&&&&&&&&&&
أبدي من النبي ألهادي محمد
وعلي الكرار نص روحي تخلد
وللزهرة الزجية نور الأكوان
دين الله فقط بيهم توحد
وصة الباري بيهم في كتابة
وبحبهم علنها وفتح بابة
يشع نور يشع نور وحبنا الهم ايزيد
&&&&&&&&&&&&&&&&&
ألحسن وحسين بالجنة ألمصادر
وعلي السجاد بالكلفات حاضر
والباقر محمد للعلم صار
علوم الدين يبقرهة ويناضر
أهل بيت النبي وأهل الرسالة
وصية طه من رب الجلالة
أمل دوم أمل دوم والضدهم بقى أوحيد
&&&&&&&&&&&&&&&&&&&
وللصادق بقت هاي المدارس
وأبن جعفر الكاظم لينة حارس
وأبن موسى الرضا شاهد يضل دوم
وجواد ألدين علمة بالكنائس
علمهم كل وكت تقراه الأديان
أسمهم كل كتاب يكون عنوان
من الله من الله ألهم هذا تأييد
&&&&&&&&&&&&&&&&&&&
نخيت الباري آنة ابعلي الهادي
أبجاهك ياعلي يحفض بلادي
وبجاه الأمام العسكري اليوم
يطهر موطني من اليعادي
يعجل بالفرج مهدي زمانة
مكانة أبكل كلب ثابت مكانة
وأذا ايعود أذا أيعود خير ابلادي ايزيد
&&&&&&&&&&&&&&&&&&&&&&
تمت بعون الله ونسألكم الدعاء
بقلم خادمكم """ علي البدري

[ياسمين البغدادي]

روعه

[هدوء الكون]

نخيت الباري آنة ابعلي الهادي
أبجاهك ياعلي يحفض بلادي
وبجاه الأمام العسكري اليوم
يطهر موطني من اليعادي
_________________
شكراا كلمات راائعة

[الشاعر علي البدري]

اشكركم على روعة مروركم احبتي وكل عام وانتم بالف الف خير

[اسرار بلا عنوان]

تبارك حرفك الولائي الرائع
سلمت ياطيب واهلا بك ثانية
في اروقة الشعر الشعبي
تقييمي لهذا الجمال
ومودتي

[الشاعر علي البدري]

تبارك حرفك الولائي الرائع
سلمت ياطيب واهلا بك ثانية
في اروقة الشعر الشعبي
تقييمي لهذا الجمال
ومودتي

اشكرج على روعة مرورج يا اسرار وكل عام وانتي ابالف الف خير