هنا

[ناصر اسماعيل الموزاني]

{مالويته}
.......
مالويته
مالويته
مره لاويت الحزن
بس ما لويته
دغدغت گلبي..
وردت بالچذب يفرح
شو بچه من دغدغيته
أحس دمعه
أحس نبضه
أحس روحه
نزع روحه وعافني
شاف فرحه بعيني چذبه
وبالفرح ما شافني
ومن أجيته ....
مالگيت الحلم عنده
مالگيت الضحكه عنده
الضحكه....
مذبوحه أعله أيده
الحلم ميت من لگيته
....
مالويته...ما لويته
.....
فاضن أعيوني عليه
وطاحن أسدود الصبر
ردّت أتسنّد بديه
أحس ظهري منكسر
الگيت درب الفرح رايح
الگيته ناسي وعوده
الگيت ورد الضحكه طايح
الگيته يابس عوده
ورد ما شاف الربيع
شلون أشتم العطر بخدود
هرش نايم
هرش يابس
هرش صايم
هرش ما خضر بگاع
هرش مكيت وشتريته
....
مالويته...ما لويته
.....
كلمات ناصر اسماعيل
ملاحظه
......
هناك معرض{المعرض رقم 20}
للفنون التشكيليه ...فقط اكتب
{الفنان التشكيلي ناصر الموزاني}
على اليوتيوب

[اسرار بلا عنوان]

الله الله
منور المنتدى عزيزي ناصر
رائع حرفك وشعرك
انرت المكان بتواجدك الراقي
لا حرمناك فاضلي
مودتي الكبيرة لك وتقييم

[ناصر اسماعيل الموزاني]

الله الله
منور المنتدى عزيزي ناصر
رائع حرفك وشعرك
انرت المكان بتواجدك الراقي
لا حرمناك فاضلي
مودتي الكبيرة لك وتقييم

شكرا لمرورك والتقيم لك كل الورد والود