يل علمتني العشك علمني هسة انساك
موكتلي انتة الدوة جا وينة صار ادواك
ما اريدك اترد علي تعرف انا الراداك
ما كتلك اتندمت لكن كلت هيهات
انساك هذا صعبمو كلبي دوم اوياك
ما اريد ترحل كلت اتشمتو هذا وذاك
انتة النويت الهجر تعرفني انة اهواك
تعرف ابضرفي صعب ثق كلبي ماباعاك
متغير انتة اصبحت منهو الذي وزاك
ماناسي انة الوعد الحد كبري ما انساك
مرخوص روح ابتعد كل عثرة ماكو اوياك
كالوها اهل العشك ركز على ممشاك
ابكل خطوة لو ماشفت شاكت اضن شافاك
لتبين انتة الطحت صير انتة يامحلاك
من تمشي امشي ابتسم ولترافك الضحاك
بقلم الشاعر علي البدري
رد مع اقتباس
