مساجلة بالدارمي انا واخي الشاعر السيد موسى الموسوي
مساجلة بالدارمي انا واخي الغالي
الشاعر موسى الموسوي
(موسى)
تخلص وحك عيناك صعبات الايام
الدنيا تخلص هيج ياخويه بوهام
""""""""""""""
(علي)
ماضنهة تخلص عود هاالعيشة مرة
جبنا العمر ركضات حسرة اوية حسرة
""""""""""""""
(موسى)
طبعا ركضنا اهواي عالخبزه والثوب
ومن كثر ضيم الجوع شككنه الاجيوب
"""""""""""""
(علي)
من كثر ضيم الجوع محد نفعنا
بينا بخت بالعين نزفت دمعنا
""""""""""""
(موسى)
دمعت تراها العين من خشيت الاله
وتربه اعله داحي البوب وتتعاتب وياه
"""""""""""
(علي)
وينك يداحي الباب ياابو اليتامة
الفقرة كلها اليوم تطلب علامة
""""""""""""
(موسى)
قط ما تشوفه العين حيدر الضرغام
يطلع يوزع الخير لبيوت الايتام
""""""""""""
(علي)
يطلع يوزع خير حيدر علينة
ايتامة احنة اليوم لازم يجينة
"""""""""""
(موسى)
طبعا يمر بيتام راعي اليتامه
بس احنه انسيناه مدري شجانه
"""""""""""
(علي)
ماننسة ابو الحسنين وكفاتة تشهد
هذا علي الكرار ارباية محمد
"""""""""""
(موسى)
مانسه داحي الباب باب المدينه
بس ارد اكله اعداك دارت علينه
"""""""""""
(علي)
دارت علينا اعداك حيدر يكرار
اطلع يبو الحملات عدوانك اكثار
"""""""""""""""
(موسى)
دارت علينه اهواي وياهم احزاب
وحتى البيوت اتشوف سووهن اتراب
"""""""""""
(علي)
حتى البيوت اليوم ساووها كلها
وغيرك يبو الحسنين هاالشيعة شلها
"""""""""""""
(موسى)
لا ياعلي الكرار لا لا يحيدر
ناخينك احنه اليوم ياداحي خيبر
""""""""""""""""
(علي)
ناخينك احنا اليوم وينك يبو اتراب
احضر يبو الحملات ياداحي الباب
""""""""""""""
(موسى)
ياداحي باب الكون مو داحي خيبر
ناخي الحسين اعليك وينك يحيدر
"""""""""""
رد مع اقتباس
