هنا

[الشاعر علي البدري]

مساجلة بالدارمي
بحق الامام الحسين
با اقلامنا انا واخي الغالي
الشاعر جلال الحجامي
ـــــــــــــــــــــــــ ــــــــــــــ
الشاعر جلال الحجامي
1
موبس دمع لحسين روحي اني اهلهه
بس كونه ابو السجاد بحماه قبلهه
ـــــــــــــــــــــــــ ـــــــــــــــــــــــــ
الشاعر علي البدري
2
بس كون ابو السجاد يقبل هاالدموع
ما ابطل انة ادموع اقسم باالضلوع
ـــــــــــــــــــــــــ ــــــــــــــــــــــــ
الشاعر جلال الحجامي
3
لو ادري روحي بموت تخدم امامي
هسه انتحر لحسين واثبت غرامي
ـــــــــــــــــــــــــ ـــــــــــــــــــــــــ
الشاعر علي لبدري
4
هسة انتحر لحسين وافديهة هاالروح
وبالجنة تلكة اهناك بس بابة مفتوح
ـــــــــــــــــــــــــ ــــــــــــــــــــــــــــ
الشاعر جلال الحجامي
5
باب الشفاعه حسين كل عمره مفتوح
امشينه يم حسين ونشافي الجروح
ـــــــــــــــــــــــــ ـــــــــــــــــــــــــــــ
الشاعر علي البدري
6
امشينة انة اوياك الابن الزجية
الارض الطفوف انروح للغاضرية
ـــــــــــــــــــــــــ ــــــــــــــــــــــــــــــ ــ
الشاعر جلال الحجامي
7
امشينه بس شلون خجلان اروحن
ماناصريت احسين بس باقي انوحن
ـــــــــــــــــــــــــ ــــــــــــــــــــــــــــــ ــ
الشاعر علي البدري
8
من تخدم الزوار هاي العلامة
يشفع الك مولاي يوم القيامة
ـــــــــــــــــــــــــ ــــــــــــــــــــــــــــــ
الشاعر جلال الحجامي
9
اخدم واضل للموت رغم اليضدون
والطم لبو السجاد وادميهه العيون
ـــــــــــــــــــــــــ ـــــــــــــــــــــــــــ
الشاعر علي البدري
10
الطم لبو السجام واطبر على الهاام
لا مايهمني ارهاب لو يحكم اعدام
ـــــــــــــــــــــــــ ـــــــــــــــــــــــــــ
الشاعر جلال الحجامي
11
عابس نطانه ادروس وتعلمينه
مانوفي ابو السجاد وشما نطينه
ـــــــــــــــــــــــــ ـــــــــــــــــــــــــــ
الشاعر علي البدري
12
دروس الكمر عباس تدرسهة الاجيال
وجفوفة ضلت دوم عنوان الابطال
ـــــــــــــــــــــــــ ـــــــــــــــــــــــــ
الشاعر جلال الحجامي
13
في مدرسة عباس نتعلم اشلون
منهم لبو السجاد لوننطي العيون
ـــــــــــــــــــــــــ ـــــــــــــــــــــــ
الشاعر علي البدري
14
في مدرسة ما نعرف الخوف
ونقدم الارواح ونواسي الجفوف
ـــــــــــــــــــــــــ ــــــــــــــــــــــــ
الشاعر جلال الحجامي
15
شنسولف وشنكول مانوفي لحسين
خل نسكت اترجاك وتسولف العين
ـــــــــــــــــــــــــ ــــــــــــــــــــــــــــ
الشاعر علي البدري
16
نسكت تريد اشلون في هاي الايام
لو نسكت احنا اليوم شيسكت الاقلام
ـــــــــــــــــــــــــ ــــــــــــــــــــــــــــــ
الشاعر جلال الحجامي
17
صعبه وغريبه الروح حالتهه بيه
تنشدني زينب كيف راحت سبيه؟
ـــــــــــــــــــــــــ ــــــــــــــــــــــــــــــ ــــــ
الشاعر علي البدري
18
زينب سبية اتروح شوف السبوهة
راحت مشي للشام وي ابن اخوها
ـــــــــــــــــــــــــ ــــــــــــــــــــــــــــــ ـــــ
الشاعر جلال الحجامي
19
زينب سبيه تروح ماضنهه ترهم
زينب اضن ياخوي هيه السبتهم
ـــــــــــــــــــــــــ ــــــــــــــــــــــــــــــ ــــــــ
الشاعر علي البدري
20
زينب مشت للشام هانتهم اهناك
نادت على العباس ذليت انة اعداك
ـــــــــــــــــــــــــ ــــــــــــــــــــــــــــــ ــــــــ

[ذُوألـفَقـار]

سلام الله عليهم
عاشت ايديك

[الشاعر علي البدري]

انتة العايش حبيبي ذو الفقار منور

[اسرار بلا عنوان]

سلام الله عليه وعلى اطهر نسب
شكرا لك فاضلي
مبدع بحق انت سيدي
لك وردي وتحيتي

[الشاعر علي البدري]

اشكرج على روعة مرورج وتقبلي تحياتي يا اسرار منورة