مساجلة بالدارمي بحق ابو الفضل العباس عليه السلام انا واخي الشاعر المبدع سلام الميالي
مساجله دارمي عن العباس (عليه السلام)
انا واخي الغالي
الشاعر سلام الميالي
===========
سلام الميالي
حمل الضعن وشال من المدينه
مكفل بجف عباس حامي الضعينه
الشاعرعلي البدري
امكفل ابجف عباس حامي الشريعة
امر الله نازل ليه واجب يطيعة
سلام الميالي
واعدهم المختار باراده باريه
امر الجليل الحيد لازم يلبيه
الشاعرعلي البدري
امر الجليل يريد يحضرها عباس
هيبة وفخر معروف هو رفعة الراس
سلام الميالي
زينب بسد عباس راس الهه عالي
شما يصير الجيش لامايبالي
الشاعرعلي البدري
اشكد مايصير الجيش لا مايهمة
من يوكف ابميدان بس يكفي اسمة
سلام الميالي
من يجبل العباس تطشر الكوم
مثل الدجاج تصير لو وكر الحوم
الشاعرعلي البدري
هذا الكمر معروف ماداعي اوصفة
ارباية علي الكرار والكل تعرفة
سلام الميالي
رباية علي الكرار كل تشهدبهاي
ماشرب كبل حسين لمن غرف ماي
الشاعرعلي البدري
ما شرب كبل حسين من يترس الجود
كطع اجفوفة وكال خليهن اشهود
سلام الميالي
ضلن جفوفه شهود يم الشريعه
ذبهن وفدوه يصيح لبن الوديعه
الشاعرعلي البدري
ذبهن وفدوة ايصيح لتراب الحسين
ناذر نذر عباس وياهن العين
سلام الميالي
قدم اجفوف وعين لبن الزجيه
ونعم من عباس راعي الحميه
الشاعرعلي البدري
والنعم من عباس هوة واخوتة
قاوم يضل اعداه ماهمة موتة
سلام ألميالي
والنعم من عباس راعي الحميه
مستحي منخته يعود ضل بالثنيه
الشاعرعلي البدري
مستحي من اختة ايعود مايروي الاطفال
واعد اسكينة النوب ضل دمعة همال
سلام الميالي
واعد سكينه وكال الماي اجيبه
ماقصر العباس طاهر حليبه
الشاعرعلي البدري
ما قصر العباس معروفة امة
ام البنين اللي للحك تسلمة
سلام الميالي
راضع وفه العباس وتعنه لزود
خر كلبه فوك الكاع من شكو الجود
الشاعرعلي البدري
خر كلبة فوك الكاع حامي الشريعة
من نادة اخوه حسين هاي الوديعة
===========
نسألكم الدعاء
رد مع اقتباس
