ارجو الاجابة على هذا السؤال . لماذا يتحول مجتمعنا الى مجتمع مثالي ( ملائكي ) اثناء ايام الزيارة .. فقط ؟؟؟
ارجو الاجابة على هذا السؤال . لماذا يتحول مجتمعنا الى مجتمع مثالي ( ملائكي ) اثناء ايام الزيارة .. فقط ؟؟؟
سديم ممكن توضح اي زيارة هواية زياارات عدنا قصدك زيارة الاربعين؟
نعم ايفان الموضوع متزامن مع زيارة الاربعين
وليس فقط زيارة الاربعين بل في سائر الزيارات
اخي العزيز لؤي شكرا لك طرحك مثل هكذا سؤال نقاشي وجاد ايضا .. وانا اعلم بكثير من الشخصيات التي تستخدم الدين غطاء .. لها دور ودور فعال في أحياء الشعائر الدينية
ولكن أخي العزيز ألله موجود ويعلم بمافي النفوس
ولا حولة ولا قوة الا بالله
ينقل الموضوع الى منتدى الحوارات والنقاشات الجاد
أكرر شكري لك اخي العزيز
اذا كان قصدك زيارة الاربعين ..يا اخي كلها متسترة باسم بالدين وناسين الجوع والعطش والفقر الي دة يصيب الشعب
يتركون المدارس واشغالهم الحسين ما دعانا نترك العلم هما اهل البيت يدعونا الى الصدق والعلم
لكن مثل ما ذكر الصديق الله اعلم بما في النفوس
والله كريم والكلام طويل ويتخذ هواية مساارات
شكرا الك
انا مع الاخ ايسر بالموضوع
شكرا للاخوة الي دخلو وشاركو بالموضوع سؤالي جان يمكن كلش مختصر لان اذا ردنا الخوض بهذا الموضوع تخلص صفحات المنتدى والحديث بهذا الموضوع ميخلص , و مثل ما اتفضل سيد ايسر يعرف اشخاص بمثل هيج ايام يصيرون بمثل هيج ايام ... نطلق عليهم مصطلح ( حسينيين ) وهمه ميعرفون الحسين ع طول ايام السنة
انا اراها نقطة ايجابية... رغم تقلبات الحياة والمجتمع.... فما زلنا متمسكين بهويتنا...والله اعلم بالنفوس
شكرا عزيزي
والله عندك حق بكل الي اتكولة ومع كل الاسف على الشعب العراقي وصل الى مرحلة ميئوس منة والله اني لو بيدي واكدر اتصل بكل سيد الفالي والبقية ---------- واكللهم انتو اضيعون وقتكم مع هولاء الناس لانه بوقت المال ينسسسسسو الدين والي اسسس الدين ياخي كلام هواية بهذا الموضوع
اعنقداللي مر بالعراقيين موشوية وصحيح اكو هواية من ذولة الشواذ بس بنفس الوقت اكو ناس اصحاب موقف ومن غير الصحيح اطلاق العموميات وعسى ان تصلح النفوس
السلام عليكم
الإجابة عن هذا السؤال .. تكون من منظارين حسب فهمي البسيط .. أحدهما ايجابي .. و الاخر سلبي
1- المنظار السلبي: .. هي إنه من يذهب إلى الزيارة و يتخلق باخلاق الـ "زوار" يكون عمله فقط رياء .. لانه لا يتصف على طبيعته المعتادة (الغير محمودة) التي يكون عليها في الأيام العادية الأخرى
2- المنظار الإيجابي: هي إن الناس على اختلافهم و اختلاف طبائعهم .. يقيدهم (و يقودهم) في أيام الزيارة حبهم و احترامهم للإمام الحسين عليه السلام و قضيته ، لذلك يتخلقوا بالأخلاق (الملائكية كما وصفتها)
بالنسبة إلي .. أرى الأمور من المنظار الإيجابي ...أما السلبي فله رواده كما هو واضح من الردود في هذه الصفحة .. و أما الحقيقة .. فهي عند الله .. الخبير بما في النفوس
تحياتي لك على الالتفاتة الدقيقة
رد مع اقتباس