ياحيره لو بالدرب وتخونك اعيونك!
واللي حسبته سند يتبره ويخونك!
لو بالملح ينترس ميفيد ماعونك
والصمموا عالغدر صدك يغدرونك
ضحكات وجه ابوجه لمن يلاكونك
بس لو تدير الضهر لازم يطعنونك
جم لون عندك بقه يلمنخطف لونك
بسك تجارب بعد محد وكف دونك
والمشكله لو فتت صاحوا يحبونك
اصحاب هذا الوكت ماظن ينصفونك
ينطيك جرح الصبح ويخيب اظنونك
ويمر عليك العصر ويسئلك اشلونك!!
حلووو
انت الاحلى منووور ^_^
تراءت لي فسائل الجمال
من بين تلك السطور يا عراب
شكرا لك وسلمتَ لنا
تحيتي
شكرا ع المرور والرد الجميل نورتي الموضوع ^_^
حلو صفصف
انت الاحلى حبي حيدوري منوور ^_^
رد مع اقتباس