العزيز .. الخطوات جدا بسيطة .. لنبدأ بسم الله
قبل كلشي .. لازم عندك كيبل انترنيت (UTP) طويل (15-20 م) .. و كيبل انترنيت (UTP) اخر قصير (مثلا 2 م) .. و المحولة مال النانو (تكون 15 فولت او 24 فولت إذا الواير طويل) .. و نبدأ
1- تفتح النانو من الكارتونة .. خخخخ لا اتشاقه
2- تربط الواير الطويل من جهاز النانو إلى فتحة الـ POE بالمحولة
3- تربط الواير القصير من جهازفتحة الـ LAN بالمحولة إلى الحاسبة بالمكان المخصص (المكان المخصص هو فتحة الـ LAN بالحاسبة)
4- تربط المحولة عل كهرباء .. و تتأكد أنه النانو بيه ضوء
5- تخللي ايبي للحاسبة مشابه للايبي مال النانو: اني اكللك شلون بالنسبة لنظام الـ أكس بي ..تروح على My Network تدوس عليها كلك ايمن تختار Properties و بعدين تروح على الـ Local area connection (اللي هي تمثل الـ LAN مال الحاسبة) و تدوس عليها كلك ايمن و تختار Properties كذلك و راح تختار من القائمة الـ TCP/IP تدوسي عليها دبل الكلك و تختار Use the following IP و تكتب بالحقل الاول 192.168.1.19 و تدوس مفتاح TAP علمود تنتقل للحقل الثاني راح ينكتب بيه 255.255.255.0 مباشرة .. و وراها تختار OK من جوة بعدين Close و تغلق كل النوافذ و تنتهي هذه الخطوة
6- تكتب بالمتصفح IP اللي هو نفسه مكتوب على باكيت النانو 192.168.1.20 علمود تكدر تدخل على الواجهة مال النانو
7- تكتب اسم اليوزر و كلمة المرور اللي هي ubnt و ubnt .. و تدخل لواجهة التحكم عبر الويب
8- تختار ثاني لسان اللي هو Wireless و تروح على SSID و تختار الاشارة مالتك (هذه الخطوة تحتاج تسويها بعد ما تخللي النانو على البوري و توجه على برج اللي راح تستلم منه
9- بعد الاختيار تدوس Change من جوة و بعدين Apply من فوك و تنتظر النانو يرست و تجيك عندك خدمة لو لا (سواء عبر الـ PPPOE او حسب نوع الطريقة اللي المفروض توصلك بيها الخدمة)
10- ممكن يطلع الواير عندك مو زين و ما توصل كهرباء كافية للنانو .. ممكن تصير مشاكل بالتنصيب .. إذا واجهت مشكلة .. تعال كللي هنا
الافضل انه تغير كل من ال ايبي مال النانو (من خلال لسان Network إلى ايبي خاص بيك .. و تغير الباسورد كذلك من لسان (system ) و تغير اسم الـ Host إلى شي خاص بيك .. و الافضل كذلك كل ما تشوف سلايد بيه Power تسويه للاخير (طبعا بعد كل خطوة اكو عندك Change ثم Apply) و الافضل كذلك بعد انتهاء هذه العمليات انه تلغي الايبيات اللي خليتهن (بخطوة 5) و ترجع الايبيات مثل ما جانت بالاول (يعني Automatically) .. و تحفظ ...
شوف هذا الموضوع لمزيد من المعلومات
http://www.dorar-aliraq.net/showthread.php?t=10753
روح على (معلومات عامة عن اجهزة UBNT )
تحياتي
المشاركة الأصلية كتبت بواسطة fairy touch
فوبيا عيني انت مشرف بمنتدى وحدة من المؤسسين بيه اني...وحدة ..مو واحد...كل مرة تكوللي اخي ...كلللش ما اقبل ....اني ترا الرجال بالكوة حاملتهم بالمحيط هالمرة انتسب الهم ..لاااا والف لاااا.
رد مع اقتباس